महाराष्ट्र न्यूज वन प्रतिनिधी,कोल्हापूर: जिल्हा परिषद कोल्हापूर येथील महिला व बाल कल्याण समितीची सभा सभापती विद्या पाटील यांच्या अध्यक्षतेखाली पार पडली. स्वर्गीय वसंतराव नाईक समिती सभागृहात झाली. अंगणवाडी सक्षमीकरणावरही विशेष भर देण्यात आला. जिल्हा वार्षिक योजनेतून नवीन अंगणवाडी इमारती उभारणे तसेच जीर्ण व नादुरुस्त इमारतींची तातडीने दुरुस्ती करण्याच्या आराखड्यावर चर्चा झाली.

जिल्हा कार्यक्रम अधिकारी नितीन मस्के यांनी तसेच नवनियुक्त सदस्य वर्षाराणी पाटील, शिवानी भोसले, शैलजा पाटील, रोहिणी आबिटकर, संयोगिता मोरे, सोनाली पाटील आणि पंचायत समिती गडहिंग्लजच्या सभापती प्रतिभा चव्हाण यांचे स्वागत केले. यावेळी सन २०२६-२७ या वर्षातील विभागाच्या कामकाजाचा आढावा घेण्यात आला. सभेत विविध महत्त्वाच्या मुद्यांवर चर्चा करून काही महत्त्वपूर्ण निर्णय घेण्यात आले. जिल्ह्यात कार्यरत महिला समुपदेशन केंद्रांच्या मानधनवाढीचा मुद्दा चर्चिला गेला. यासंदर्भात जिल्हा परिषद सर्वसाधारण सभेची मान्यता घेऊन शासनाकडून मार्गदर्शन प्राप्त करून पुढील निर्णय घेण्यात येणार असल्याचे सांगण्यात आले.   याशिवाय ग्रामीण भागातील तळागाळातील गरजू लाभार्थ्यांपर्यंत विविध योजनांचा लाभ पोहोचावा यासाठी प्रशासनाने अधिक प्रभावी पावले उचलावीत, अशा सूचना सभेत देण्यात आल्या.

.