महाराष्ट्र न्यूज वन प्रतिनिधी : राज्य सरकारच्या शालेय शिक्षण व क्रीडा विभागाने  शिक्षण विभागातील अकरा अधिकाऱ्यांच्या बदल्या केल्या.उपसचिव मो. बा. ताशिलदार यांनी या संदर्भातील आदेश काढले आहेत. कोल्हापूर जिल्हा परिषदेतील योजना विभागाच्या शिक्षणाधिकारी अनुराधा शिवाजी म्हेत्रे यांची सांगली जिल्हा परिषदेत प्राथमिक शिक्षण विभागाच्या शिक्षणाधिकारी म्हणून बदली झाली.

सांगली जिल्हा परिषदेतील प्राथमिक शिक्षणाधिकारी मोहन संभाजी गायकवाड यांची सांगलीतच माध्यमिक शिक्षणाधिकारीपदी बदली झाली. सांगली जिल्हा परिषदेतील माध्यमिक शिक्षणाधिकारी राजेसाहेब मुरलीधर लोंढे यांची महाराष्ट्र  राज्य परीक्षा परिषद पुणे येथे सहायक आयुक्तपदी बदली झाली.सिंधुदुर्ग जिल्हा परिषदेतील योजना विभागाचे शिक्षणाधिकारी प्रदिपकुमार मनोहर कुडाळकर यांची राज्य शैक्षणिक संशोधन व प्रशिक्षण परिषद पुणे येथे प्रशासन अधिकारी म्हणून बदली करण्यात आली.भंडारा जिल्हा परिषदेतील योजना विभागाचे शिक्षणाधिकारी रविंद्र सीताराम सोनटक्के यांच्याकडे भंडारा जिल्हा परिषदेच्या माध्यमिक शिक्षणाधिकारीपदाची जबाबदारी सोपविली आहे. अहिल्यानगर जिल्हा परिषदेतील प्राथमिक शिक्षणाधिकारी भास्कर जगन्नाथ पाटील यांना एक वर्ष मुदतवाढ देण्यात आली. छत्रपती संभाजीनगर जिल्हा परिषदेतील जयश्री एकनाथराव चव्हाण यांची बीड जिल्हा परिषदेत प्राथमिक शिक्षणाधिकारीपदी, सोलापूर जिल्हा परिषदेतील योजना विभागाच्या शिक्षणाधिकारी सुलभा पांडूरंग वटारे यांची बदली मिरा भाईंदर महानगरपालिका शिक्षणाधिकारी म्हणून झाली.यवतमाळ येथील योजना विभागाचे शिक्षणाधिकारी किशोर भीमराव पागोरे यांच्याकडे यवतमाळ जिल्हा परिषदेत माध्यमिक शिक्षणाधिकारीपदाची सूत्रे दिली. पालघर जिल्हा परिषदेतील  योजना विभागाचे शिक्षणाधिकारी शेषराव एन बडे यांची बदली भंडारा जिल्हा परिषदेच्या योजना शिक्षणाधिकारी म्हणून तर  छत्रपती संभाजीनगर येथील विभागीय शिक्षण उपसंचालक कार्यालयातील सहायक शिक्षण संचालक रविंद्र बापूसाहेब वाणी यांच्याकडे छत्रपती संभाजीनगर येथील राज्य माध्यमिक व उच्च माध्यमिक विभागीय शिक्षण मंडळाच्या सचिवपदी बदली झाली.