महाराष्ट्र न्यूज वन प्रतिनिधी : श्री करवीर निवासिनी अंबाबाई हक्कदार श्रीपूजक मंडळ व समिधा प्रतिष्ठामार्फत महापालिकेच्या शाळेच्या विद्यार्थ्यांना शैक्षणिक साहित्याचे वाटप करण्यात आले. आयुक्त डॉ. राजेंद्र भारुड,  हक्कदार पूजक मंडळचे सचिव माधव मुनिश्वर व समिधा प्रतिष्ठानचे अध्यक्ष अजित ठाणेकर यांच्या हस्ते दफ्तर व शैक्षणिक साहित्य वाटप  करण्यात आले.  महापालिकेच्या शेठ रुईया विद्यालय, कोटीतीर्थ विद्यामंदिर, शिवाजी विद्यालय उद्यमनगर, सावित्रीबाई फुले विद्यालय, द्वारकानाथ कपूर विद्यालय शाळा गंजीमाळ या शाळेतील इयत्ता १ ली ते ४ थी च्या १६८ व इयत्ता ५ वी ते ७ वी च्या ८३ अशा एकूण २५१ विद्यार्थ्यांना साहित्य वाटप करण्यात आले. या कार्यक्रमाचे आयोजन चंद्रकांत पाटील यांनी केले. गंजीमाळ येथील द्वारकानाथ कपूर विद्यालयात करण्यात आला. या कार्यक्रम प्रसंगी प्राथमिक शिक्षण समितीचे प्रशासनाधिकारी जयश्री जाधव, समिधा प्रतिष्ठान सचिव ओंकार गोसावी, श्रीपूजक स्वानंद मुनिश्वर, शैक्षणिक पर्यवेक्षक विजय माळी, शारीरिक शिक्षण निरीक्षक सचिन पांडव, माजी विद्यार्थी  युवराज खाडे, शाळा व्यवस्थापन समिती अध्यक्ष पूनम कांबळे, ऋतुराज नढाळे, शांताराम सुतार आदी उपस्थित होते. स्नेहलता बर्गे यांनी सूत्रसंचालन केले. मुख्याध्यापक मीनाक्षी चौगुले यांनी आभार मानले.