महाराष्ट्र न्यूज वन प्रतिनिधी, कोल्हापूर : एकटी संस्था व कोल्हापूर महापालिका यांच्या संयुक्त विद्यमाने, १५ ते १७ मे २०२६ या कालावधीत ‘परीस सेंद्रिय खत महोत्सव’ आयोजित केला आहे. निर्माण चौक, मैल खडडा जरगनगर रोड येथे खत महोत्स्व होत आहे. अशी माहिती एकटी संस्थेचे उपाध्यक्ष संजय पाटील यांनी दिली. महोत्सवात ओल्या कचऱ्यापासून सेंद्रिय खत निर्मिती कशी करावी यासंबंधी मार्गदर्शन करण्यात येणार आहेत. महोत्सवात सेंद्रिय खत विक्रीसाठी आहे. एक किलोच्या कागदी पिशवीत हे खत उपलब्ध आहे. पर्यावरण संवर्धन, स्वच्छता अभियान आणि सेंद्रिय शेतीला चालना देण्याचा महत्वपूर्ण उपक्रम या माध्यमातून राबविण्यात येणार आहे. पंधरा मे रोजी सायंकाळी पाच वाजता महोत्सवाचे उद्घाटन महापौर रुपाराणी निकम यांच्या हस्ते होणार आहे. अतिरिक्त आयुक्त शिल्पा दरेकर या प्रमुख पाहुण्या म्हणून उपस्थित राहणार आहेत. पत्रकार परिषदेला आक्काताई गोसावी, सारिका भोरे, बनाबाई कांबळे, मंगल कांबळे, सविता कांबळे, शुभम कांबळे, पुष्पा कांबळे, जैनुद्दीन पन्हाळकर, साताप्पा मोहिते ,ज्येष्ठ नागरिक सेवा संघाचे अध्यक्ष निवास नलवडे, उमाकांत कांबळे, सदाशिव पुंढे, वसंत पाटील, अशोक देसाई, जयवंत बुटके आदी उपस्थित होते.