महाराष्ट्र न्यूज वन प्रतिनिधी : आंतरराष्ट्रीय व्यापार व व्यावसायिक नेटवर्किंगचे काम करणाऱ्या कोल्हापुरातील ग्लोबल व्हिजन ट्रेड ऑर्गनायझेशनमार्फत थायलंडमधील बँकाक येथे नुकतेच ‘इंडिया थायलंड ग्लोबल व्हिजन कॉन्कलेव्ह २०२६’चे आयोजन केले होते. कोल्हापूरसाठी खास गोष्ट म्हणजे, थायलंडसह इतर उत्पादन क्षेत्रातील कंपन्यांनी स्थानिक कोल्हापूरच्या एमआयडीसी क्षेत्रात गुंतवणुकीसाठी स्वारस्य दाखविले आहे. याकरिता परदेशी कंपन्याशी सहाय करण्यास इच्छुक शिवपती फार्मर प्रोड्युसर कंपनी, रासेश इंडस्ट्रीज एलएलपी आणि वेबरोलर कंपन्यांनी या परिषदेत सहभाग घेतला आहे अशी माहिती ग्लोबल व्हिजनचे अक्षय शिंदे यांनी पत्रकार परिषदेत दिली. भारत थायलंड यांच्यातील आर्थिक संबंध दृढ करणारा हा उपक्रम ठरला आहे. भारतीय उद्योगांसाठी हे नवे दालन ठरत आहे. असेही ते म्हणाले. या परिषेदला थायलंडचे माजी उपपंतप्रधान कॉर्न दब्बारांसी, इंटरनॅशनल ट्रेड कोर्टचे  न्यायमूर्ती लुई लामा, थाई इंडिया बिझनेस अलायन्सचे  संस्थापक अध्यक्ष आजाण पॉल नरुला, ग्रुप पोर्टफोलिओचे संचालक फ्रेजर हॉकस पीपल्स रिफ्लेक्शनचे संचालक श्रीकांत घरात आदींची प्रमुख उपस्थिती होती. या परिषदेत आंतरराष्ट्रीय व्यापार, उद्योजक क्षेत्रातील उल्लेखनीय कामगिरीबद्दल २५ मान्यवरांचा गौरव करण्यात आला. पत्रकार परिषदेला भाग्यश्री कुंबोजे उपस्थित होत्या.