महाराष्ट्र न्यूज वन प्रतिनिधी : संगीतसूर्य केशवराव भोसले नाट्यगृह खाजगीकरणाच्या विरोधात मंगळवारी रंगकर्म मोठ्या संख्येने स्त्यावर उतरले. नाट्यगृहासमोरच भर पावसात त्यांनी आंदोलन करत खाजगीकरणाला विरोध केला. खाजगीकरणाच्या विरोधात जोरदार घोषणा दिल्या. 

रंगकर्मी सुनील घोरपडे, अभिनेता  सागर तळाशीकर, आनंद काळे, अभिनेता स्वप्नील राजशेखर, कला शिक्षक सागर बगाडे, प्रसाद जमदग्नी, धनंजय पाटील, दिनेश माळी, किरणसिंह चव्हाण, रोहन घोरपडे, युवराज घोरपडे, सुनील माने, राजश्री खटावकर, सर्जेराव पाटील, सचिन मोरे, अमर मोरे, भालचंद्र काळे यश शिंदे श्रेयस सोनार प्रा.  ए जी जोशी,  सतीश स्वामी, संग्राम भालकर, पद्माकर कापसे , धनंजय पाटील, संजय हळदीकर नरहर कुलकर्णी, किरणसिंह चव्हाण, उमेश पोवार, अमित अडसुळे, पंडित कंदले, शाहीर दिलीप सावंत आदींचा समावेश होता . 'संगीतसूर्य केशवराव भोसले नाट्यगृहाचे खाजगीकरण थांबवा,  मी, छत्रपती शाहू राजांचा वारसा- मला दुसऱ्यांच्या घरी बांधू नका' अशा आशयचे फलक कलाकारानी हातात घेऊन आंदोलन केले. 'रद्द करा रद्द करा, केशवराव भोसले नाट्यगृहाचे खाजगीकरण रद्द करा, नाट्यगृहाचे खाजगीकरण करणाऱ्या प्रशासनाचा धिक्कार असो.' अशा घोषणा देत रंगकर्मीकोल्हापूर महापालिकेचा निषेध केला. महापालिका प्रशासनाने संगीतसूर्य केशवराव भोसले नाट्यगृहाच्या खाजगीकरणाचा निर्णय रद्द केला नाही तर तीव्र आंदोलन केले जाईल असा इशाराही यावेळी देण्यात आला.