"विक्टोरिया अँड अल्बर्ट म्युझिअम, लंडन येथून आणली जाणारी वाघनखे छत्रपती शिवाजी महाराजांची नाहीत, असा दावा इतिहास संशोधक इंद्रजीत सावंत यांनी पत्रकार परिषदेमध्ये केला.  सावंत यांनी विक्टोरिया अँड अल्बर्ट म्युझीअम, लंडन बरोबर केलेल्या पत्रव्यवहारात ही वाघनखे शिवाजी महाराजांची नाहीत हे सामोरे आले.  त्यांनी यासंबंधी पत्रकार परिषदेत माहिती दिली. 

..............................

वाघनखे हे शौर्याचे प्रतिक

छ्त्रपती शिवाजी महाराजांनी वापरलेली वाघनखे ही मराठ्यांच्या शौर्याचे प्रतिक आहेत. पुरावे ठोसपणे सांगतात की ती सातारच्या छत्रपतींच्याकडे कायम राहिली आहेत. महाराष्ट्राची अस्मिता या वाघनखांशी जोडली गेली आहे, म्हणून लंडन मधील असणाऱ्या वाघनखांच्या प्रतिकृतीला छत्रपती शिवाजी महाराजांची वाघनखे आहेत असे सांगून छत्रपतींच्या आणि विशेषतः पेशव्यांच्या कैदेतून सुटून सातारा राज्याची पुनर्स्थापना करणारे छत्रपती प्रतापसिंह महाराजांच्या विश्वासार्हतेला तडा पोहोचवण्याचा प्रयत्न होतोय की काय अशी शंका उत्पन्न झाली आहे.