महाराष्ट्र न्यूज वन प्रतिनिधी, कोल्हापूर :  येथील कला, संस्कृती,नृत्य साहित्य, सामाजिक क्षेत्रात काम करणाऱ्या सार्थक क्रिएशन्स या संस्थेच्या रौप्यमहोत्सवी वर्षानिमित्त गुरुवारी, (१२ फेब्रुवारी २०२६) विशेष कार्यक्रम आयोजित केला अहे.  सायंकाळी सहा ते नऊ या वेळेत राम गणेश गडकरी सभागृह, पेटाळा येथे कार्यक्रम होत आहे. या कार्यक्रमास प्रमुख अतिथी म्हणून  साहित्यिक डॉ सुनीलकुमार लवटे हे उपस्थित राहणार आहेत.
संस्थेच्या २५ वर्षाच्या वाटचालीतील सदैव संस्थेच्या हितासाठी सहकार्य केलेल्या विविध क्षेत्रातील २५ मान्यवर व्यक्ती व संस्था यांचा सार्थक अभिमान पुरस्काराने गौरव करण्यात येणार आहे. यामध्ये सार्थक अभिमान पुरस्कार सतीश कुलकर्णी, कुलदीप शिंगटे, चारुदत्त जोशी, अनंत खासबारदार, सहज सेवा संस्था, हिल रायडर्स एडवेंचर फाउंडेशन, पार्थ शहा, डॉ निरंजन शहा, डॉ किमया शहा, संग्राम पाटील, उत्कर्षा पाटील, महेश हिरेमठ, आझाद नायकवडी,  महेश सोनुले, मिलिंद अष्टेकर, उदय चव्हाण, विजय टिपुगडे, राजेंद्र बनसोडे, उमेश नेरकर, मीनल ढापरे, अशोक रोकडे यांचा समावेश आहे.
तसेच युवा अभिमान पुरस्काराने  रोहित कदम, विपुल हळदणकर, ओंकार कोळेकर, विवेक कवाळे यांना  गौरविण्यात येणार आहे. संस्थेच्या सामाजिक कर्तव्य उपक्रमांतर्गत लोटस फौंडेशनच्या विद्यार्थ्यांना शैक्षणिक साहित्य वाटप व २०२६-२७ साली या संस्थेसाठी सांस्कृक्तिक व कला उपक्रमासाठीची जबाबदारी घेण्यात येणार आहे. यावेळी सांस्कृतिक कार्यक्रमांतर्गत जागर अभिजात मराठीचा  हा लोकगीतांच्या कलाविष्कारचा  शुभारंभ  होणार आहे. संस्थेचे संस्थापक सागर बगाडे, संस्थेच्या रौप्यमहोत्सवी सोहळा समितीचे अध्यक्ष  रोहित पाटील, उपाध्यक्ष शेखर वळीवडेकर, करण मिरजकर, संजय कुंभार व सहकारी कार्यक्रमाचे नियोजन करत आहेत.