महाराष्ट्र न्यूज वन प्रतिनिधी, कोल्हापूर : शिवसेनेचे पाडळी खर्द जिल्हा परिषद मतदारसंघातील उमेदवार सचिन विश्वास पाटील व पंचायत समिती उमेदवार अमित हजारे यांच्याकडे सामाजिक कार्याचा वारसा लाभला आहे. पाटील व हजारे कुटुंबीय सातत्याने लोकांच्या मदतीला धावून गेले आहेत. अडचणीच्या काळात पाठीशी राहिलेत. या निवडणुकीत या दोघांना विजयी करू असा निर्धार मतदारसंघातील मतदारांनी व्यक्त केला. तसेच या दोन्ही उमेदवारांच्याकडून विकासकामांची पूर्तता होईल असेही मतदारांचे म्हणणे आहे.

माजी उपसरपंच इंद्रजीत पाटील – वाशी येथील बिरदेव देवस्थान हे ब वर्गमध्ये समाविष्ठ करण्याचे प्रस्तावित आहे. या दोन्ही उमेदवारांनी निवडून आल्यानंतर त्याची पूर्तता करावी. जिल्हा परिषदेचे उमेदवार सचिन पाटील व पंचायत समितीचे उमेदवार अमित हजारे या दोघांना वाशी गावातून साठ टक्क्याहून अधिक मतदान होईल.शिवसेनेचे हे दोन्ही उमेदवार विजयी होतील.

सरदार सावंत – उमेदवार सचिन पाटील आणि उमेदवार अमित हजारे यांचे कुटुंबीय हे लोकांच्या सुखदुखात समरस होणारे आहेत. विविध माध्यमातून त्यांनी लोकांना मदतीचा हात दिला आहे. यामुळे या निवडणुकीत आम्ही त्यांना निवडून आणण्याचा निर्धार केला आहे. अमित हजारे यांनी स्वखर्चाने गावकऱ्यांसाठी पाण्याचा टँकर उपलब्ध करुन दिला आहे.

शरद संभाजी सावंत – शिवसेनेचे दोन्ही उमेदवार हे तरुण आहेत. त्यांना समाजकार्याची आवड आहे. लोकांच्यासाठी वेळ देतात. कोणत्याही प्रसंगात भागातील लोकांच्यासोबत राहतात. अमित हजारे हे जिल्हा परिषदेचे माजी अध्यक्ष बाबुराव हजारे यांचे पुतणे आहेत. तर जिल्हा परिषदेचे उमेदवार सचिन पाटील हे गोकुळचे माजी चेअरमन विश्वास पाटील यांचा वारसा पुढे चालवित आहेत.

भिकाजी काशीनाथ पाटील – जिल्हा परिषदेचे उमेदवार सचिन पाटील व पंचायत समितीचे उमेदवार अमित हजारे यांच्याकडून मतदारसंघातील विकासकामांची पूर्तता होऊ शकते याची खात्री आहे. पदावर नसतानाही त्यांनी भागातील विविध घटकांना प्रत्येकवेळी मदत केली आहे. भागातील प्रत्येक कामात त्यांचा सहभाग असतो. यामुळे आमचा निर्णय पक्का आहे, या दोघांना निवडून आणू.

शिवसेना शाखाप्रमुख सरदार खालकर – पाडळी खुर्द मतदारसंघातील शिवसेनेचे उमेदवार हे निवडून येतील. मतदारसंघात खूप अनुकूल वातावरण आहे. वाशी गावामध्ये शिवसेनेच्या दोन्ही उमेदवारांना जवळपास सत्तर टक्के मतदान होईल. त्यांनी मतदारसंघातील विकासकामांना गती द्यावी. विविध सोयी सुविधा उपलब्ध कराव्यात. सरकारी योजनांचा लाभ ग्रामीण भागातील लोकांपर्यंत पोहोचवाव्यात.