महाराष्ट्र न्यूज वन प्रतिनिधी कोल्हापूर  : गटनेता निवडी झाल्या,  महापौर -उपमहापौरपदासाठी उमेदवारी अर्ज दाखल झाले आता नगरसेवकांना वेध लागले आहेत ते स्थायी समिती सभापतीपदाच्या निवडीचे.  साधारणपणे 14 फेब्रुवारी रोजी स्थायी समिती सभापतीची निवड होऊ शकते. दरम्यान स्थायी समिती सभापतीसाठी इच्छुक नगरसेवकांनी फिल्डिंग लावण्यास सुरुवात केली आहे. स्थायी समिती सभापती भारतीय जनता पक्षाकडे आहे. भाजपच्या नगरसेविका माधुरी किरण नकाते यांनी स्थायीच्या सभापती पदासाठी तयारी सुरू केले आहे. माधुरी नकाते व किरण नकाते यांनी आमदार अमल महाडिक यांची भेट घेऊन स्थायीचे सभापती पद द्यावे अशी मागणी केली . नगरसेविका नकाते या दुसऱ्यांदा महापालिकेमध्ये प्रतिनिधित्व करत आहेत. यापूर्वी त्यांनी स्थायी समितीत सदस्य म्हणून काम केले आहे. नुकत्याच झालेल्या महापालिका निवडणुकीत त्यांनी सर्वसाधारण  गटातून निवडणूक लढवून विजयी झाले आहेत.