महाराष्ट्र न्यूज वन प्रतिनिधी, कोल्हापूर : शिवसेना ठाकरे पक्षाच्या युवा सेनेतर्फे शालेय शिक्षणमंत्री दादा भुसे यांच्या विरोधात आंदोलन करण्यात आले. शिक्षक पात्रता परीक्षेचा पेपर फुटल्यामुळे ही परीक्षा रद्द कण्यात आली. या साऱ्या प्रकाराला सरकारचा निष्काळजीपणा कारणीभूत आहे असा आरोप करत युवासेनेने कोल्हापुरात आंदोलन केले. पालकमंत्री भुसे यांची प्रतिकृती केलेला एक युवक व त्याच्यावर युवासेनेचे पदाधिकारी लाकडाचा भुसा फेकून मारत होते व चले जाओ - चले जाओ -दादा भुसे चले जाओ अशा पद्धतीच्या घोषणा देत हे आंदोलन झाले.मिरजकर तिकटी येथे आंदोलन झाले.  शिवसेना शहर प्रमुख मंजित माने, जिल्हा चिटणीस चैतन्य देशपांडे,सुमित मेळवंकी, सदाशिव पवार, अक्षय घाटगे,शुभम पाटील, अभि दाबाडे, विनय क्षीरसागर,योगेश लोहार, सचिन नांगटिळक,सानिका दामूगडे, तृप्ती विभुते, कनिष्क शिंदे,अक्षय मोरे, आदित्य हुलजी, रामेश वरुटे,ऋषिकेश जोशी, जयवंत वडगावकर, सिद्धी दामूगडे, मयुरेश भिर्डीकर यांचा आंदोलनात सहभाग होता.