महाराष्ट्र न्यूज वन प्रतिनिधी, कोल्हापुर :  कला व क्रीडा शिक्षकांच्या वरिष्ठ व निवड श्रेणी प्रशिक्षणास सोमवारपासून सुरुवात झाली. दरम्यान प्रशिक्षणाच्या पहिल्याच दिवशी सर्व्हर डाऊन झाला. प्रशिक्षणा दरम्यान पावणे बारा वाजता पंधरा मिनिटाची पूर्व चाचणी परीक्षा होणार होती. पण सर्व्हर डाऊन झाल्यामुळे ही परीक्षा वेळेत होऊ शकली नाही. कला व क्रीडा शिक्षकांचे तीन दिवसांचे विभाग स्तरावर होणारे निवासी प्रशिक्षणाचा खर्च ही प्रशिक्षणार्थ्यांना स्वतः करावा लागणार आहे. पण या प्रशिक्षणात प्रशिक्षणार्थी शिक्षकांना प्रशिक्षणा दरम्यान चहा आणि भोजन याची कोणतीही व्यवस्था नाही तसेच मानधन अथवा प्रवास भत्ता नाही याकडे शिक्षक लक्ष वेधत आहेत.      दोन वर्षापेक्षा अधिक कालखंडानंतर हे प्रशिक्षण ऑफलाईन पद्धतीने होत आहे. कोरोनाच्या साथी दरम्यान हे प्रशिक्षण ऑनलाईन पद्धतीने घेताना यासाठी दोन हजार रुपये इतके शुल्क आकारण्यात आले होते. आता हे प्रशिक्षण ऑफलाईन होत असतानाही प्रशिक्षणार्थी शिक्षकांकडून दोन हजार रुपये शुल्क भरून घेण्यात आले आहे दरम्यान   प्रशिक्षण हे स:शुल्क व शिक्षकांच्या मागणीवरून घेण्यात आल्याने कोणत्याही प्रकारचे मानधन अथवा चहा भोजनाची व्यवस्था करण्यात आली नाही असा खुलासा वरिष्ठ अधिकाऱ्यांनी केला.