महाराष्ट्र न्यूज वन प्रतिनिधी, कोल्हापूर : जुना बुधवार पेठ येथील राजर्षी छत्रपती शाहू महाराज हायस्कूल येथेनोबेल पारितोषिक विजेते सी. व्ही. रामण यांच्या सन्मानार्थ राष्ट्रीय विज्ञान दिन उत्साहात साजरा करण्यात आला. या दिनानिमित्त प्रथमत: ज्येष्ठ विज्ञान शिक्षक गायकवा यांच्या हस्ते वृक्षाला जलदान करून कार्यक्रमाचे उद्घाटन झाले. यावेळी श्री स्वामी विवेकानंद शिक्षण संस्थेचे कोल्हापूर विभाग प्रमुख सन्माननीय श्रीराम साळुंखे, प्रशालेचे मुख्याध्यापक बी.जे. सावंत, प्राथमिक विद्यामंदिचे मुख्याध्यापक एस. व्ही .पोवार उपस्थित होते. यादिनाचे औचित्य साधून केतकी सूर्यवंशी, अपर्णा गडकरी, शौर्य वर्धन, अनिरुद्ध पानारी व प्रणव कांबळे या विद्यार्थ्यांनी वेगवेगळे वैज्ञानिक प्रयोग  करून दाखवले तसेच इलेक्ट्रॉनिक डिपार्टमेंटच्या  शर्वरी पवार यांनी विज्ञान मॉडेलस दाखवले. कार्यक्रमाचे सूत्रसंचालन  विद्या कामत यांनी केले. के.स. पाटील यांनी आभार मानले.