महाराष्ट्र न्यूज वन प्रतिनिधी : स्वातंत्र्यदिनाचे औचित्य साधत रग्गेडियन जिमचा चौथा वर्धापनदिन मोठ्या उत्साहात साजरा करण्यात आला. कोल्हापुरातील रामकृष्ण हॉल येथे आयोजित करण्यात आलेल्या या सोहळ्याला  जिमच्या सभासदांचा उत्स्फूर्त प्रतिसाद मिळाला.सभासदांनी विविध सांस्कृतिक कार्यक्रमांमध्ये सहभाग घेत  कलागुणांचे सादरीकरण केले. नृत्य आणि सांस्कृतिक कार्यक्रमांनी उपस्थितांची मने जिंकली. स्वातंत्र्यदिनाचा उत्साह आणि रगडियनच्या वर्धापनदिनाचा आनंद यामुळे संपूर्ण वातावरण जल्लोषमय झाले होते.यावेळी कोरगावकर ट्रस्टचे राज कोरगावकर यांचा वाढदिवसही उत्साहात साजरा करण्यात आला.  कार्यक्रमाला निवृत्त पोलीस अधीक्षक तानाजी सावंत, राष्ट्रवादी काँग्रेसचे जिल्हाध्यक्ष आदिल फरास, उद्धव बाळासाहेब ठाकरे शिवसेना पक्षाचे विराज पाटील, कोल्हापूर स्थानिक गुन्हे अन्वेषण शाखेचे सुशांत चव्हाण यांनी शुभेच्छा दिल्या. यावेळी अमोल कोरगावकर, आकाश कोरगावकर, पूनम कोरगावकर, ओम कोरगावकर, प्रशांत डांगरे उपस्थित होते.