महाराष्ट्र न्यूज वन प्रतिनिधी कोल्हापूर जिल्हयातील साडेपाच लाख दूध उत्पादक हे खऱ्या अर्थाने गोकुळ दूध संघाचा कणा आहेत. हे दूध उत्पादक शेतकरी वर्षानुवर्षे गोकुळ दूध संघाला दूध पुरवठा करतात. संघाच्या आर्थिक उलाढातलीत, प्रगतीत या दूध उत्पादकांचा मोठा वाटा आहे. यामुळे संचालक निवडण्याचा खरा अधिकार हा दूध उत्पादकांना आहे. यामुळे गोकुळच्या निवडणुकीत दूध उत्पादकांना मतदानाचा अधिकार मिळायला हवा. सरकारने यासाठी सहकार कायद्यात दुरुस्ती करावी. अशी मागणी एसफोरयूचे राजू श्रीपती माने, अॅड. नारायण पोवार यांनी केली. दूध उत्पादकांच्या प्रश्नांच्या सोडवणुकीसाठी ‘महाराष्ट्र गोकुळ दूध उत्पादक संघटना, कोल्हापूर’ची स्थापना केली आहे. त्या माध्यमातून दूध उत्पादकांशी संवाद साधण्यात येणार आहे.‘असेही त्यांनी सांगितले