महाराष्ट्र न्यूज वन प्रतिनिधी, कोल्हापूर : रिमझिम बरसणारा पाऊस, नवा गणवेश, नवीन वह्या, नवीन पुस्तके, नवा वर्ग, नवे शिक्षक आणि नविन वर्गमित्र....सोबतीला विद्यार्थ्यांच्या स्वागतासाठी फुलांची सजावट, गुलाबफुले, चॉकलेट्स...हे चित्र होते, जरगनगर येथील श्रीमती लक्ष्मीबाई जरग विद्यामंदिर येथील. महापालिकेचे अतिरिक्त आयुक्त राहुल रोकडे आणि उपायुक्त कपिल जगताप हे विद्यार्थ्यांच्या स्वागतासाठी उपस्थित होते. तर भागिरथी संस्थेच्या अध्यक्षा अरुंधती महाडिक यांच्या हस्ते विद्यार्थ्याना शालेय साहित्याचे वाटप झाले.