महाराष्ट्र न्यूज वन प्रतिनिधी, कोल्हापूर : महाराष्ट्र सरकारच्यावतीने कृषी क्षेत्रातील कामगिरीसाठी दिला जाणारा ‘डॉ. पंजाबराव देशमुख कृषिरत्न पुरस्कार’ डी. वाय. पाटील ग्रुपचे अध्यक्ष डॉ. संजय डी. पाटील यांना प्रदान करण्यात आला. राज्यपाल डॉ. विष्णु देव शर्मा यांच्या हस्ते पुरस्काराचे वितरण झाले. डॉ. संजय पाटील यांनी पत्नी वैजयंती यांच्यासमवेत हा पुरस्कार स्वीकारला. कृषी विभागातर्फे २०२३ व २०२४ च्या राज्यस्तरीय पुरस्कारांचे वितरण मुंबईतील वरळीमधील सरदार वल्लभभाई स्टेडियम येथे झाले. मुख्यमंत्री देवेंद्र फडणवीस, उपमुख्यमंत्री सुनेत्रा पवार, कृषिमंत्री दत्तात्रय भरणे, जलसंपदामंत्री राधाकृष्ण विखे पाटील, फलोत्पादनमंत्री भरत गोगावले, कृषी राज्यमंत्री आशिष जयस्वाल, जलसंधारण राज्यमंत्री इंद्रनील नाईक, कृषी सचिव परिमल सिंह, कृषी आयुक्त सूरज मांढरे, कृषी संचालक रफिक नायकवडी आदी उपस्थित होते.याप्रसंगी मुख्यमंत्री फडणवीस यांनीही डॉ. संजय डी. पाटील यांच्या शेती, शिक्षण, सामाजिक क्षेत्रातील कार्याचे कौतुक केले. शेती आणि शेतकऱ्यांसाठी ते अखंडपणे कार्यरत आहेत. तीन विद्यापीठाचे कुलपती म्हणून शैक्षणिक क्षेत्रात मोठे कार्य केले आहे असे उद्गगार मुख्यमंत्री फडणवीस यांनी काढले.कृषिमंत्री भरणे यांनी, डॉ. संजय डी. पाटील यांनी आधुनिक व प्रयोगशील शेतीद्वारे कृषी क्षेत्रात मोठे कार्य केल्याचे सांगितले.