महाराष्ट्र न्यूज वन प्रतिनिधी, कोल्हापूर : पवित्र पोर्टलच्या माध्यमातून कोल्हापूर जिल्हा परिषदेला ४०० नवीन शिक्षक मिळाले. समुपदेशनद्वारे या शिक्षकांच्या नियुक्तीचे ठिकाणे निश्चित केली. गुरुवारी, दहा सप्टेंबर २०२६ रोजी त्यांना नियुक्तीचे पत्रे देण्यात आली. जिल्हा परिषदेत दिवसभर शिक्षक भरतीची प्रक्रिया सुरू होती. जिल्हा परिषदेचे मुख्य कार्यकारी अधिकारी डॉ. जॅसमिन यांच्या प्रमुख उपस्थितीमध्ये ही प्रक्रिया झाली. पवित्र पोर्टल अंतर्गत ४१० शिक्षक भरतीची प्रक्रिया राबविण्यात आली. पाच शिक्षक गैरहजर राहिले. उर्वरित ४०५ शिक्षकांचे समुपदेशन झाले. समुपदेशन झाल्यानंतर गुणवत्तेनुसार नियुक्तीची ठिकाणे निवडण्याची संधी देण्यात आली. रिक्त् जागांची ठिकाणे दर्शविण्यात आली. सायंकाळी उशिरा शिक्षकांना नियुक्तीची पत्रे देण्यात आली. जिल्हा परिषदेच्या अध्यक्षा शिल्पा खोत, शिक्षण समिती सभापती शीतल यादव यांनीही या ठिकाणी भेट दिली. प्राथमिक शिक्षण विभागाचे शिक्षणाधिकारी अशोक घुगे यांच्यासह शिक्षण विभागाने भरती प्रक्रियेसंबंधी नियोजन केले. दरम्यान विविध शिक्षक संघटनेचे नेतेमंडळींनी भरती प्रक्रिये दरम्यान जिल्हा परिषदेत थांबून होते. भरती प्रक्रियेनंतर नवीन शिक्षकांचे अभिनंदनही केले.