महाराष्ट्र न्यूज वन प्रतिनिधी : महाराष्ट्र राज्य परीक्षा परिषदेतर्फे रविवारी 28 जून 2016 रोजी आयोजित केलेली टीईटी परीक्षा रद्द करण्यात आली आहे. शनिवारी पहाटे भिवंडी येथे टीईटीचा पेपर फुटल्याचे प्रकरण समोर आले. या साऱ्या प्रकाराची गांभीर्याने दखल घेत महाराष्ट्र राज्य परीक्षा परिषदेने टीईटी परीक्षा रद्द केली आहे या संदर्भात अधिकृत माहिती राज्य परीक्षा परिषदच्या आयुक्तांनी दिली आहे.
 महाराष्ट्र राज्य परीक्षा परिषदेमार्फत 28 जून रोजी राज्यातील 1028 केंद्रावर शिक्षक पात्रता परीक्षा घेण्याचे प्रस्तावित होते. नीट परीक्षेमधील गैरप्रकार लक्षात घेऊन महाराष्ट्र राज्य परीक्षा परिषदेने टीईटीच्या संदर्भात सर्व सुरक्षेच्या उपायोजना केल्या होत्या. दरम्यान 27 जून 2026 रोजी पहाटेच्या सुमारास भिवंडी येथे काही जणांच्याकडे प्रश्नपत्रिका बद्दलची माहिती असल्याचे समजले. त्यानुसार पोलिसांनी त्या ठिकाणी धाड घातली. यानंतर तपासणीसाठी महाराष्ट्र राज्य परीक्षा परिषदेचे अधिकाऱ्यांना बोलावून तातडीने पडताळणी केली. तेव्हा त्या संबंधिताकडे शिक्षक पात्रता परीक्षा जून 2026 च्या परीक्षेच्या प्रश्नपत्रिकेतील काही प्रश्न समान असल्याचे निदर्शनास आले. त्यानुसार भिवंडी पोलीस ठाण्यात गुन्हा नोंदविण्यात आला आहे. हा सारा प्रकार लक्षात घेऊन राज्य परीक्षा परिषद पुणे यांनी 28 जून रोजी होणारी शिक्षक पात्रता परीक्षा पुढे ढकलण्यात येत आहे असे म्हटले आहे. कोणत्याही परिस्थितीत परीक्षा पूर्णपणे पारदर्शकपणे व्हावी हा परीक्षा परिषदेचा आग्रह असल्याने व या सगळ्या प्रकाराबाबत सखोल चौकशी होणे गरजेचे असल्याने ही परीक्षा पुढे ढकलण्यात येत असल्याचे म्हटले आहे. शिक्षक पात्रता परीक्षेबाबत अद्यावत माहिती महाराष्ट्र राज्य परीक्षा परिषदेच्या वेबसाईट प्रसिद्ध करण्यात येईल असेही आयुक्तांनी म्हटले आहे