श्री शाहू छत्रपती शिक्षण संस्थेच्या श्री शहाजी छत्रपती महाविद्यालयात शिवाजी विद्यापीठ समाजशास्त्र परिषदेचे चौदावे अधिवेशन  झाले. अधिवेशनाच्या उद्घाटन प्रसंगी ते प्रमुख पाहुणे म्हणून बोलत होते.  महाविद्यालयाचे प्राचार्य डॉ. आर.के.शानेदिवाण कार्यक्रमाच्या अध्यक्षस्थानी होते.रोपास पाणी घालून  परिषदेचे उद्घाटन झाले.

 समाजशास्त्र परिषदेच्या वतीने दिला जाणारा जीवनगौरव पुरस्कार डॉ.रमेश जाधव, प्रो. आर. बी. पाटील, डॉ. एन. डी.जत्राटकर,  प्रो. एस.डी.अकोळे यांना प्रदान करण्यात आला. समाजशास्त्राचे ज्येष्ठ प्राध्यापक एस. एन. पवार यांचे हस्ते पुरस्कार वितरण झाले. 

विद्रोही सांस्कृतिक चळवळीच्या अध्यक्षा डॉ. प्रतिमा परदेशी यांनी स्त्रियांच्या प्रगतीचा आढावा घेऊन त्यांना येणाऱ्या अडचणी आणि त्यावरील उपाय योजना यांचा उहापोह केला. परिषदेचे समन्वयक डॉ. के.एम.देसाई यांनी स्वागत केले.

समाजशास्त्र विषयात शिवाजी विद्यापीठात प्रथम आलेल्या तीन विद्यार्थ्यांचा तसेच पीएच.डी.प्राप्त विद्यार्थ्यांचा आणि शिवाजी विद्यापीठ समाजशास्त्र अभ्यास मंडळावर निवड झालेल्या प्राध्यापकांचा यावेळी सत्कार करण्यात आला.  श्री शाहू छत्रपती शिक्षण संस्थेचे चेअरमन मानसिंग बोंद्रे , मानद सचिव श्रीमती संगीता विजयराव बोंद्रे यांचे उपक्रमास सहकार्य मिळाले.