महाराष्ट्र न्यूज वन प्रतिनिधी, कोल्हापूर : दहावीनंतर प्रत्येकाच्या वाटा वेगळया झाल्या, कोण सरकारी नोकरीत तर कोण व्यापार-व्यवसायात उतरले. जवळपास दोन तपानंतर दहावीच्या त्या साऱ्या विद्यार्थ्यांनी एकत्र यायचे ठरविले आणि नियोजनानुसार सगळे एकवटले. एक दिवस माझा म्हणत शालेय आठवणी जागविल्या. मित्रांसोबत मौजमजा  करत स्नेहमेळाव्यात रंग भरला. नागाव हायस्कूल नागावच्या १९९९-२००० मधील दहावीच्या विद्यार्थ्यांचा स्नेहमेळावा उत्साहात झााला. 

 हातकणंगले तालुक्यातील नागाव येथील ज्ञानगंगा शिक्षण प्रसारक मंडळ संचलित नागाव हायस्कूल नागावच्या १९९९-२००० मधील इयत्ता दहावीत शिकणारे सगळे मित्रमंडळी २३ वर्षानंत एकवटले. बऱ्याच वर्षांनी सगळेजण एकवटल्यामुळे आनंदाला ऊधाण आले. गप्पा,  आणि जुन्या आठवणींना उजाळा देत हा दिवस साजरा केला. ताराबाई पार्क येथील हॉटेल वूडलँड येथे हा स्नेहमेळावा रंगला. 

दहावीनंतर प्रत्येकाच्या करिअरच्या वाटा वेगळया झाल्या. आज विविध क्षेत्रात सक्रिय असलेले मित्र दोन दशकानंतर एकत्र आल्यामुळे साऱ्यांचे चेहरे आनंदाने फुलले होते. शालेय जीवनातील आठवणी वेगळया अनुभूती देण्यात ठरल्या. स्नेहमेळाव्यानिमित्त सगळया मित्रांची झालेली भेट नवीन ऊर्जा निर्माण करणरी आहे. स्नेहमेळाव्यातील प्रसंग आयुष्यभर उत्साह देत राहतील’अशा भावना अनेकांनी व्यक्त केल्या. याप्रसंगी सगळया मित्रांनी एकत्र येत प्रकाश कांबळे यांना वैद्यकीय उपचारासाठी आर्थिक मदत केली. 

या स्नेहमेळाव्यासाठी दिपक गायकवाड, युवराज सावंत, राकेश चव्हाण, सुजाता गायकवाड, गीतांजली वाकसे, सरला कांबळे  यांनी पुढाकार घेतला. माणिक सावंत यांनी आभार मानले.