खजानिसपदी डॉ. गुणाजी नलवडे यांची निवड

महाराष्ट्र न्यूज वन प्रतिनिधी, कोल्हापूर :येथील जनरल प्रॅक्टिशनर्स असोसिएशन ( जीपीए) २०२४ ते २०२५ या कालावधीसाठी नूतन कार्यकारिणी जाहीर करण्यात आली. जनरल प्रॅक्टिशनर्स असोसिएशनच्या अध्यक्षपदी डॉ. अरुण धुमाळे तर सचिवपदी डॉ. महादेव जोगदंडे यांची निवड करण्यात आली.अध्यक्षस्थानी जीपीएचे माजी अध्यक्ष डॉ. राजेश सातपुते उपस्थित होते. 

यावेळी मावळते सचिव डॉ.हरीश नांगरे यांनी मागील वर्षाच्या सचिव अहवाल सादर केला व अध्यक्ष. डॉ. राजेश सातपुते यांनी संस्थेचा वर्षभरातील कार्याचा थोडक्यात आढावा घेतला. नवनिर्वाचित कार्यकरिणी सदस्यांची यादी सल्लागार समिती चेअरमन डॉ. रमेश जाधव यांनी जाहीर केली.नवनिर्वाचित अध्यक्ष डॉ. अरुण धुमाळे यांनी येणारे वर्षात होणाऱ्या कार्यक्रमाबद्दलचा मानस व्यक्त केला.

कार्यक्रमाचे सूत्रसंचालन डॉ. हरीश नांगरे यांनी केले व आभार डॉ. महादेव जोगदंडे यांनी मानले. यावेळी डॉ. उद्यम व्होरा, डॉ. शिवपुत्र हिरेमठ, डॉ.राजेश कुंभोजकर, डॉ.चंद्रकांत सोनवणे, डॉ. बिंदगे, डॉ. पी. पी. शहा, डॉ. शीतल पाटील, डॉ.शिवराज देसाईआणि जीपीए सदस्य उपस्थित होते.