महाराष्ट्र न्यूज वन प्रतिनिधी, कोल्हापूर : 

कलानगरी म्हणून ओळख असणाऱ्या कोल्हापूरच्या अभिजात चित्रकारांचे ग्वाल्हेर मध्यप्रदेश येथे कल्पतरू आर्ट गॅलरीच्या उद्घाटनाच्या निमित्ताने चित्र प्रात्यक्षिक आणि प्रदर्शनाचे आयोजन करण्यात आले आहे. प्रो. वासंती जोशी कला सांस्कृतिक प्रतिष्ठानतर्फे हा कार्यक्रम होत आहे. या प्रतिष्ठानचे विश्वस्त प्रमोद कुमार जोशी यांनी रविवारी  कोल्हापुरातील चित्रकारांची भेट घेऊन संवाद साधला.

 याप्रसंगी चित्रकार सूर्यकांत निंबाळकर यांनी अभिनेते चित्रकार चंद्रकांत मांढरे यांच्या आठवणींना उजाळा दिला. विजय टिपुगडे यांनी आभार मानले. या कार्यक्रम प्रसंगी शाहीर राजू राऊत कोल्हापूर वस्तू संग्रहालयाचे पदाधिकारी उदय सुर्वे , उत्तम कांबळे. इतर मान्यवर कलावंत उपस्थित होते. सूत्रसंचालन मैत्रेयी शुक्ल यांनी केले. दरम्यान  ग्वाल्हेरमधील चित्र प्रदर्शन आणि कार्यशाळेचे समन्वयक म्हणून चित्रकार प्रशांत जाधव आणि धीरज सुतार परिश्रम घेत आहेत.