महाराष्ट्र न्यूज वन प्रतिनिधी, कोल्हापूर : भारतीय जनता पक्षाच्या कोल्हापूर महानगर मंडल अध्यक्षांच्या निवडी सोमवारी (२१ एप्रिल) जाहीर करण्यात आल्या. कोल्हापूर महानगर अंतर्गत नऊ मंडल अध्यक्ष आहेत. यामध्ये कोल्हापूर उत्तर विधानसभेत सहा तर कोल्हापूर दक्षिण विधानसभा मतदारसंघातील तीन मंडल अध्यक्ष आहेत. दरम्यान  कोल्हापूर उत्तर विधानसभा व दक्षिण विधानसभा मतदारसंघातील १८६ बूथ समाविष्ठ आहेत. या मंडल अध्यक्षांच्या निवडीसाठी नेते भारत पाटील (सातारा), जिल्हा निवडणूक निर्णय अधिकारी आमदार अमल महाडिक, खासदार धनंजय महाडिक, महानगर जिल्हाध्यक्ष विजय जाधव, प्रदेश सचिव महेश जाधव यांचे मार्गदर्शन लाभले.

नऊ मंडल अध्यक्षांची नावे पक्षाने जाहीर केली आहेत. यामध्ये कसबा बावडा मंडल अध्यक्षपदी धीरज पाटील, शाहूपुरी मंडल अध्यक्षपदी सचिन कुलकर्णी, लक्ष्मीपुरी मंडल अध्यक्षपदी विशाल शिराळकर, राजारामपुरी उत्तर मंडल अध्यक्षपदी रविकिरण गवळी, राजारामपुरी दक्षिण मंडल अध्यक्षपदी राजगणेश पोळ, मंगळवार पेठ दक्षिण मंडल अध्यक्षपदी प्रितम यादव, शिवाजी पेठ उत्तर मंडल अध्यक्षपदी कोमल देसाई, शिवाजी पेठ दक्षिण मंडल अध्यक्षपदी विनय खोपडे आणि उत्तरेश्वर पेठ मंडल अध्यक्षपदी सुनील पाटील यांची निवड झाली आहे.

दरम्यान या नऊ मंडल अध्यक्ष निवडीसाठी निवडणूक निर्णय अधिकारी म्हणून हेमंत आराध्ये, गायत्री राऊत, डॉ. सदानंद राजवर्धन, राजू मोरे, गणेश देसाई, विराज चिखलीकर, संतोष भिवटे, आप्पा लाड, गिरीश साळोखे यांनी काम पाहिले.