महाराष्ट्र न्यूज वन प्रतिनिधी, कोल्हापूर : ‘विविध विकास योजना वेळेत पूर्ण करा, प्राप्त निधी अखर्चित राहू नये.यासंबंधी काळजी घ्या’अशा सूचना जिल्हा परिषदेचे मुख्य कार्यकारी अधिकारी कार्तिकेयन एस यांनी केल्या.
जिल्हा परिषदेची सर्वसाधारण सभा मंगळवारी, २१ मे रोजी झाली. मुख्य कार्यकारी अधिकारी तथा प्रशासक कार्तिकेयन एस हे सभेच्या अध्यक्षस्थानी होते. लोकसभा निवडणुकीची आचारसंहिता सुरु असल्याने धोरणात्मक निर्णय हे पुढील जिल्हा परिषद सर्वसाधारण सभेमध्ये घेण्यात यावे असे सूचित केले. दरम्यान जिल्ह्यातील संभाव्य चारा टंचाईवर उपाय योजताना चारा निर्मितीसाठी एक कोटी रुपयांच्या योजनेला सभेत मंजुरी देण्यात आली. चारा टंचाई निर्माण होऊ नये म्हणून शेतकरी, दूध उत्पादकांना मोफत चारा बियाणे वाटप केले जाणार आहे.
प्रकल्प संचालक सुषमा देसाई, सामान्य प्रशासन विभागाच्या उपमुख्य कार्यकारी अधिकारी सुषमा देसाई यांच्यासह विभागप्रमुख, गटविकास अधिकारी सभेला उपस्थित होते.या सभेत मुख्य कार्यकारी अधिकारी कार्तिकेयन यांनी विविध योजनांचा आढावा घेतला.
यशवंतराव चव्हाण पंचायत राज अभियान २०२३-२४ अंतर्गत जिल्हा परिषदेचा प्रस्तावास शिफारस देण्यात आली. पशुसंवर्धन विभागाकडील जिल्हा वार्षिक सर्वसाधारण योजना २०२४-२५ दुभत्या जनावरांना खाद्य उपलब्धतेसाठी सुधारणा कार्यक्रम (वैरण व पशुखाद्य विकास कार्यक्रम) योजनेस मान्यता देण्यात आली.