महाराष्ट्र न्यूज 1 प्रतिनिधी, कोल्हापूर : कोल्हापुरात कोरोनाबाधित रुग्णांचे प्रमाण दिवसेंदिवस वाढत आहे. रुग्णांना ऑक्सिजन बेडची उपलब्धता होणे दुर्लभ झाले आहे. त्यामुळे बऱ्याच रुग्णांना आपला प्राण गमवावा लागला आहे. कोरोनाबाधित रुग्णांना वेळेवर उपचार मिळावेत म्हणून सामाजिक बांधिलकी जपणाऱ्या व्हिजन चॅरिटेबल ट्रस्टमार्फत १५० रुग्णांच्या कोव्हिड सेंटरची सुरुवात होत आहे.

सायबर येथे हे कोव्हिड सेंटर आहे. बुधवारपासून (ता. १९) हे कोव्हिड सेंटर रुग्णांच्या सेवेसाठी उपलब्ध असणार आहे. बुधवारी, दुपारी १२.३० वाजता या कोव्हिड सेंटरचे उद्घाटन होणार आहे. खासदार संजय मंडलिक, आमदार रणजितसिंह मोहिते पाटील, आमदार महेश लांडगे, आमदार गोपिचंद पडळकर, जिल्हाधिकारी दौलत देसाई, महापालिका आयुक्त मल्लिनाथ कलशेट्टी यांची प्रमुख उपस्थिती असणार आहे.

 या कोव्हिड सेंटरसाठी कोल्हापूर महापालिका व जिल्हा परिषदेचे सहकार्य लाभले आहे. तरी गरजू रुग्णांनी ९७६५९५०९०९ या हेल्पलाइन क्रमांकावर गुरुवार, ता. २० ऑगस्टपासून संपर्क साधवा असे आवाहन व्हिजन चॅरिटेबल ट्रस्टचे अध्यक्ष संताजी फत्तेसिंगराव घोरपडे यांनी केले आहे.

……………..