जगदंबेने अष्टादशभूजा म्हणजे अठरा हातांचे विराट रूप धारण करून महिषासुराचा वध केला होता. त्याची स्मृती म्हणून दरवर्षी नवरात्र महाष्टमीला करवीर निवासिनी अंबाबाईची महिषासुरमर्दिनी रुपात पूजा बांधली जाते. आज या पूजेत जगदंबे थोडसं वेगळं रूप साकारण्यात आला आहे महिषोत्तमांग संस्थिता म्हणजे महिषासुराचे उत्तम अंग अर्थात त्याचे मस्तक त्याच्यावर विराजमान असं हे जगदंबेच महिषासुराच्या मस्तकावर पाय रोवून उभी राहिलेली सर्व देव वरदायिनी अशी जगदंबा साकारली आहे. करवीर शक्तिपीठ देवता म्हणून महिष मर्दिनी या देवतेचा उल्लेख येतो ५१ शक्तिपीठाच्या यादीत कोल्हापूरला सतीचे त्रिनेत्र पडले व तिथे महिषमर्दिनी नावाने देवी आणि क्रोधीश भैरव नावाने भैरव विराजमान असल्याचे सांगितले जाते. करवीरची शक्तीपीठ देवता अर्थात अंबाबाई मंदिरातील महाकाली जी चतुर्भुजा महिषासुरमर्दिनी रुपात विराजमान आहे तिच्यासमोर  रात्री महाष्टमी होम केला जाईल.