महाराष्ट्र न्यूज वन प्रतिनिधी, कोल्हापूर : ‘समाजात बदल घडविण्याची दृष्टी प्रेेस फोटोग्राफरमध्ये असते. माणसांच्या भावना अचूकपणे कॅमेऱ्यात टिपण्याचे फोटोग्राफरचे कौशल्य वाखाणण्याजोगे आहे. कोल्हापूरच्या प्रेस फोटोग्राफीला मोठा वसा आणि वारसा आहे.कोल्हापुरातील छायाचित्रकारांचा राष्ट्रीय पातळीवर सन्मान व्हावा, इतकी ताकत येथील प्रेस फोटोग्राफीत आहे.’ असे उद्गगार शिवाजी विद्यापीठाचे कुलगुरू डी. टी. शिर्के यांनी काढले.
कोल्हापूर प्रेस फोटोग्राफर क्लबतर्फे पुरस्कार वितरण सोहळा मंगळवारी (तीन सप्टेंबर) आयोजित केला होता.यावेळी अभिनेता आनंद काळे, उद्योजक जयेश ओसवाल, छायाचित्रकार शशिकांत मोरे, दीपक जाधव यांची व्यासपीठावर उपस्थिती होती. शाहू स्मारक भवन येथे हा कार्यक्रम झाला.
याप्रसंगी कुलगुरू शिर्के यांच्या हस्ते फोटोग्राफर जॉनी ट्रेनर वृत्त प्रक़ाशचित्र जीवनागौरव पुरस्कार छायाचित्रकार मालोजी केरकर यांना प्रदान करण्यात आला. यावेळी ते बोलत होते. रोख आकरा हजार रुपये, मानचिन्ह, मानपत्र असे पुरस्काराचे स्वरुप होते.रोहन साळोखे स्मृती लक्षवेधी पुरस्काराने पत्रकार सुनील सकटे आणि पत्रकार राहुल गडकर यांना सन्मानित केेले. मानचिन्ह, मानपत्र आणि रोख पाच हजार रुपये असे पुरस्काराचे स्वरुप आहे.याप्रसंगी छायाचित्रकार संदीप मोरे यांच्या मातोश्री विमल मोरे, महापालिकेच्या अग्निशमन दलाचे अधिक़ारी मनिष रणभिसे आणि व्हाईट आर्मीचे अशोक रोकडे यांचा कृतज्ञता सत्कार करण्यात आला. प्राचार्य जीवन साळोखे यांनी मनोगत व्यक्त केले. छायाचित्रकार आदित्य वेल्हाळ यांनी प्रास्ताविक केले. पत्रकार समीर देशपांडे यांनी सूत्रसंचालन केले.