महाराष्ट्र न्यूज वन प्रतिनिधी : अखिल भारतीय किसान सभेचे २४ वे  राज्य अधिवेशन कोल्हापुात सहा ते आठ ऑक्टोबर २०२६ या कालावधीत होणार आहे. या अधिवेशनासाठी राज्यभरातील ४०० प्रतिनिधी उपस्थित राहणार आहेत अशी माहिती अधिवेशानचे निमंत्रक उदय नारकर व स्वागताध्यक्ष विक्रांत पाटील किणीकर यांनी पत्रकार परिषदेत दिली. कसबा बावडा येथील श्रीराम सोसायटी सभागृह येथे हे अधिवेशन होणार आहे. या अधिवेशनास मार्गदर्शन करण्यासाठी किसान सभेचे  राष्ट्रीय अध्यक्ष डॉ. अजित ढवळे राष्ट्रीय सरचिटणीस कॉम्रेड विजू कृष्णन, राज्याध्यक्ष उमेश देशमुख, आमदार विनोद निकोले, माजी आमदार जे. पी. गावीत, आणि किसान सभेचे राज्य चिटणीस डॉ. अजित नवले हे मार्गदर्शन करणार आहेत. मंगळवारी, सहा ऑक्टोबर रोजी सकाळी १०.३० वाजता राजर्षी शाहू महाराज यांच्या जन्मस्थळी अभिवादन करुन, प्रतिनिधी मिरवणुकीने श्रीराम सोसायटीकडे जातील. सकाळी अकरा वाजता ध्वजवंदन होऊन खुले सत्र होईल.अधिवेशनाचे उद्घाटन राष्ट्रीय सरचिटणीस डॉ. विजू कृष्णन करणार आहेत. पत्रकार परिषदेला राजेश वरक, चंद्रकांत कुरणे, राज साळोखे, लक्ष्मण पाच्छापुरे, विवेक गोडसे आदी उपस्थित होत.