महाराष्ट्र न्यूज वन प्रतिनिधी, कोल्हापूर  : सर्किट हाउस नजीक असलेल्या ईएसआय हॉस्पीटलमध्ये लवकरच शंभर बेडची व्यवस्थ करण्यात येणार आहे.   सध्या तीस बेडची व्यवस्था आहे.  याबाबतची हॉस्पिटल डेव्हलपमेंट कमिटीची पहिली सभा झाली. कमिटी सदस्यांनी विविध कामांची पाहणी केली, यावेळी वैद्यकिय अधिक्षक अनुजा बेलोसे व डॉ.रविंद्र पवार यांनी माहिती दिली. सहायक कामगार आयुक्त विशाल घोडके, कोल्हापूर इंजिनीअरिंग असोसिएशनचे अध्यक्ष कमलाकांत कुलकर्णी, इचलकरंजीचे नगरसेवक रणजीत पाटील, कामगार युनियन प्रतिनिधी प्रकाश कांबरे, इंडो काउंट तर्फे राजेश मोहिते, प्रदीप व्हरांबळे, ईएसआयसीचे माजी कर्मचारी मुल्ला उपस्थित होते. या हॉस्पीटलमध्ये एमआरआय आणि सीटी स्कॅनची व्यवस्था करावी अशी मागणी करण्यात इंजिनिअरिंग असोसिएशन तर्फे करण्यात आली. परंतु शंभर बेड या निकषात बसत नसल्याने पीपीपी प्रायव्हेट पब्लीक पार्टनरशिप सर्व्हीसेसव्दारे ही सेवा उपलब्ध करावी किंवा पीजी कॉलेज सुरू करणे असेही पर्याय देण्यात आले.