महाराष्ट्र न्यूज वन प्रतिनिधी, कोल्हापूर : सोलापूर जिल्हा परिषदेतील सामान्य प्रशासन विभागाच्या उपमुख्य कार्यकारी अधिकारी स्मिता महादेव पाटील यांची कोल्हापूरला बदली झाली. राज्य सरकारच्या महिला व बाल विकास विभागाने त्यांची प्रतिनियुक्तीने नियुक्ती केली आहे. बाल विकास प्रकल्प् अधिकारी (नागरी) , कोल्हापूर शहर यापदावर नियुक्ती झाली आहे. सहसचिव वि. रा. ठाकूर यांनी बुधवारी, २९ जुलै २०२६ रोजी नियुक्तीचे आदेश काढले आहेत. पाटील या सोलापूर जिल्हा परिषदेत उपमुख्य कार्यकारी अधिकारी होत्या. त्यांची, महिला व बालविकास विभागामध्ये गट अ संवर्गातील पदावर प्रतिनियुक्तीन नियुक्ती देण्याबाबत ग्राम विकास विभागाने सहमती दिली आहे. त्यानुसार पाटील याची महिला व बालविकास विभागाच्या अधिपत्याखालील बाल विकास प्रकल्प अधिकारी कोल्हापूर शहर या पदावर नियुक्ती झाली असे आदेशात म्हटले आहे. पाटील यांनी यापूर्वी २०१९ मध्ये माळशिरस येथे गटविकास अधिकारी म्हणून काम केले आहे. याशिवाय सोलापूर येथे त्यांनी जिल्हा परिषदेच्या पाणी व स्वच्छता मिशन प्रकल्प संचालक, सामान्य प्रशासन विभागाच्या उपमुख्य कार्यकारी अधिकारी म्हणून कामाचा ठसा उमटविला.चंद्रपूर येथेही त्यांनी काम केले आहे.