Maharashtra News 1
Register
Breaking : bolt
पंडित उल्हास कशाळकर, युवा पखवाजवादक कृष्णा साळुंखेंना गुणीदास पुरस्कार ! सहा डिसेंबरला वितरण समारंभ !!भलेबहाद्दर नगरसेवक....लक्ष्य गांधीनगरवर, निशाणा प्रशासनावर अगोदर निधी…मग सभा ! महापालिका सभेत नगरसेवकांची प्रशासनावर आगपाखड!!जिल्हा परिषदेत असमान निधी वाटप, काँग्रेसच्या सदस्यांचे शुक्रवारी लाक्षणिक उपोषण ! विकासकामे रखडली, सदस्यांचे आरोग्य बिघडण्याची वेळ ! !आरोग्य सेवेवर एआयचा वॉच, कोल्हापूर जिल्ह्यात पायलट प्रोजेक्ट !आरोग्यमंत्र्यांच्या हस्ते प्रकल्पाचे उद्घाटन ! !केआयटीला आयएसटीईचे दोन मानाचे पुरस्कार कोल्हापुरात सुसज्ज आर्ट गॅलरीची गरज -  मालोजीराजे छत्रपतीविनापरवाना व्यवसाय करणाऱ्या जीमवर कारवाई, लॉजिंग व्यवस्थापनला नोटीस...तर गप्प बसणार नाही, कोल्हापुरात काँग्रेसच्या नगरसेवकांचा महायुतीला इशारातेरा वर्षाखालील फुटबॉल स्पर्धेत राजर्षी शाहू स्पोर्ट्स, ताराराणी विद्यापीठ स्पोर्ट्स विजयी 

जाहिरात

 

पंडित उल्हास कशाळकर, युवा पखवाजवादक कृष्णा साळुंखेंना गुणीदास पुरस्कार ! सहा डिसेंबरला वितरण समारंभ !!

schedule17 Nov 26 person by visibility 12 categoryलाइफस्टाइल

महाराष्ट्र न्यूज वन प्रतिनिधी, कोल्हापूर : गेल्या १७ वर्षांपासून कोल्हापूरच्या सांस्कृतिक क्षेत्रात योगदान देणाऱ्या गुणीदास फाऊंडेशनतर्फे या वर्षापासून 'गुणीदास पुरस्कार' सुरू करण्यात येत आहे.यावर्षीचा पहिला ‘गुणीदास कलासाधक पुरस्कार' ग्वाल्हेर, जयपूर आणि आग्रा घराण्याचे ज्येष्ठ शास्त्रीय गायक पंडित उल्हास कशाळकर यांना जाहीर झाला आहे. तसेच, 'गुणीदास नवोन्मेष पुरस्कार' युवा पखवाजवादक कृष्णा साळुंखे यांना प्रदान करण्यात येणार आहे. अशी माहिती गुनिदास फाउंडेशनचे सचिव डॉ. अजित शुक्ल यांनी पत्रकार परिषदेत दिली. साहित्य, संगीत आणि कला क्षेत्रात भरीव कार्य करणाऱ्या कलाकारांचा सन्मान या पुरस्काराद्वारे केला जाणार आहे. असे शुक्ल यांनी सांगितले.
        हा पुरस्कार प्रदान सोहळा आणि विशेष सांगीतिक कार्यक्रम रविवार, ६ डिसेंबर २०२६ रोजी सायंकाळी ५.०० वाजता, संगीतसूर्य केशवराव भोसले नाट्यगृह, कोल्हापूर येथे होणार आहे. य सोहळ्याला श्री करवीर पीठाचे श्रीमद् जगद्गुरू सच्चिदानंद शंकराचार्य विद्यानृसिंह भारती आणि ज्येष्ठ तबलावादक तालयोगी पंडित सुरेश तळवलकर यांची उपस्थिती लाभणार आहे. गुणीदास कलासाधक पुरस्काराचे स्वरुप एक लाख रुपये, स्मृतिचिन्ह, शाल व श्रीफळ असे आहे. तर 'गुणीदास नवोन्मेष पुरस्कार'चे स्वरुप पन्नास हजार रुपये, स्मृतिचिन्ह, शाल व श्रीफळ असे आहे.

      यावेळी पुरस्कार प्रदान सोहळ्यानिमित्त विशेष सांगीतिक मैफलीचे आयोजन करण्यात आले आहे यामध्ये मृदंग कीर्तन युवा पखवाजवादक कृष्णा साळुंखे आणि त्यांचा शिष्य परिवार हे मृदंग कीर्तन सादर करतील. त्यांना गायनात सूरंजन खंडाळकर आणि हार्मोनियमवर मिलिंद कुलकर्णी साथसंगत करतील.  पुरस्कार प्रदान सोहळ्यानंतर ज्येष्ठ गायक पं. उल्हास कशाळकर यांचे बहारदार शास्त्रीय गायन होणार आहे. या मैफलीला तबल्यावर तालयोगी पं. सुरेश तळवलकर आणि हार्मोनियमवर मिलिंद कुलकर्णी यांची समर्पक साथ लाभणार आहे.      या संपूर्ण कार्यक्रमाचे सूत्रसंचालन आणि निवेदन विघ्नेश जोशी करणार आहेत. कोल्हापूरकरांनी आणि रसिक श्रोत्यांनी या सांगीतिक मेजवानीचा व पुरस्कार सोहळ्याचा लाभ घेण्यासाठी मोठ्या संख्येने उपस्थित राहावे, असे  गुणीदास फाऊंडेशनच्या अध्यक्षा सुस्मिता शिरीष सप्रे,  राजप्रसाद धर्माधिकारी, पुरस्कार निवड समिती,आणि गुणीदास फाऊंडेशनच्या वतीने आवाहन करण्यात आले आहे. या कार्यक्रमासाठी सर्वांना विनामूल्य प्रवेश आहे. पत्रकार परिषदेवेळी कार्यक्रम समिती प्रमुख  राजप्रसाद धर्माधिकारी, खजानिस अरविंद लाटकर, डॉ विनोद ठाकूरदेसाई, संचालक अभय देशपांडे, दर्शन शिरपूरकर, सुधर्म जामसांडेकर, गौरी केसकर, प्रणव मोघे आदी  उपस्थित होते.

जाहिरात

 
Copyright © 2026. All Rights Reserved by Maharashtra News 1.
Designed & Developed by Adhvik go Online
JSON Output

    
Settings
Theme
themes