महाराष्ट्र न्यूज वन प्रतिनिधी : इंडिया आघाडीचे एक महत्त्वाचे राष्ट्रीय नेते आणि मार्क्सवादी कम्युनिस्ट पक्षाचे महासचिव माजी खासदार कॉम्रेड सीताराम येचुरी यांच्या निधनाबद्दल कोल्हापुरात शोकसभा आयोजित करण्यात आली आहे. इंडिया आघाडीतर्फे ही शोकसभा रविवारी (१५ सप्टेंबर २०२४ ) सकाळी ११.३० वाजता कॉंग्रेस भवन, स्टेशन रोड येथे होणार आहे. कोल्हापूर जिल्ह्यातील इंडिया आघाडीच्या नेत्यांच्या प्रमुख उपस्थितीत होणाऱ्या या शोकसभेच्या अध्यक्षस्थानी आमदार सतेज पाटील असतील. इंडिया आघाडीच्या घटक पक्षांचे सर्व पदाधिकारी आणि संविधानप्रेमी नागरिकांनी या सभेस उपस्थित राहावे, असे आवाहन संयोजकांनी केले आहे. भाकपचे जिल्हा सचिव सतीश कांबळे यांनी यासंबंधीची माहिती दिली आहे.