अशासकीय सदस्यपदी सत्ताधाऱ्यांशी निगडीत पदाधिकारी-कार्यकर्त्यांची वर्णी
schedule27 Jul 24 person by visibility 420 categoryमहानगरपालिका
महाराष्ट्र न्यूज वन प्रतिनिधी : मुख्यमंत्री माझी लाडकी बहिण योजनेंतर्गत कोल्हापूर जिल्ह्यातील दह विधानसभा मतदार संघनिहाय अशासकीय सदस्यांच्या नेमणुका केल्या आहेत. अशासकीय सदस्य नेमणुकीत राज्यातील महायुतीतील सत्ताधारी पक्षांशी निगडीत पदाधिकारी व कार्यकर्त्यांची वर्णी लागली आहे. राज्यात महायुतीसोबत असलेले आमदार व सत्ताधारी पक्षाचे आमदार हे या समितीचे अध्यक्ष आहेत. विरोधी आघाडीच्या आमदारांना लांब ठेवल्याचे दिसत आहे.
महिलांचे आरोग्य व पोषण आणि त्यांच्या आर्थिक स्वावलंबनासाठी राज्यात विविध योजना राबविण्यात येत आहेत. महिलांचा श्रम सहभाग पुरुषांच्या तुलनेत कमी आहे, ज्यामुळे त्यांच्या राज्यातील महिलांच्या आर्थिक स्वातंत्र्यासाठी, आरोग्य व पोषणामध्ये सुधारणा करणे आणि कुटुंबातील त्यांची निर्णायक भुमिका मजबुत करण्यासाठी राज्यामध्ये मुख्यमंत्री माझी लाडकी बहीण योजना सुरु करण्यात आली आहे.
या पात्र महिला निवडण्यासाठी विविध यंत्रणेची नेमणुक करण्यात आलेली आहे. यामध्ये विधानसभा क्षेत्रनिहाय समितीमध्ये तीन अशासकीय सदस्य असतील पैकी एक अध्यक्ष व दोन अशासकीय सदस्यांची नेमणूक करण्याबाबत सूचित केलेले आहे. त्याअनुषंगाने पालकमंत्री हसन मुश्रीफ यांच्याकडून कोल्हापूर जिल्ह्यातील दहा विधानसभा मतदार संघनिहाय अशासकीय सदस्यांची पुढीलप्रमाणे नेमणूक करण्यात आली आहे.
चंदगड-गडहिंग्लज-आजरा विधानसभा मतदार संघ समिती -अध्यक्ष- आमदार राजेश नरसिंगराव पाटील, अशासकीय सदस्य- श्रीमती ज्योती दिपक पाटील व बापूसाहेब वाळू घव्हाळे. राधानगरी-भुदरगड विधानसभा मतदार संघ समितीचे अध्यक्ष- आमदार प्रकाश आनंदराव आबिटकर, अशासकीय सदस्य- राहूल बजरंग देसाई व सुनिल शिवराम कांबळे यांचा समावेश आहे. कागल, गडहिंग्लज विधानसभा मतदार संघ समिती अध्यक्षपदी पालकमंत्री हसन मुश्रीफ, अशासकीय सदस्य - नामदेवराव तुकाराम मेंडके व यशवंतराव जयवंतराव माने, कोल्हापूर दक्षिण विधानसभा मतदार संघ समिती अध्यक्षपदी माजी आमदार अमल महादेवराव महाडीक, अशासकीय सदस्य आप्पासाहेब संभाजी धनवडे व प्रकाश प्रल्हाद सुर्यवंशी यांची नेमणूक आहे. करवीर विधानसभा मतदार संघ समिती अध्यक्षपदी माजी आमदार चंद्रदीप शशिकांत नरके, अशासकीय सदस्यपदी शिवाजीराव नाना देसाई व हंबीरराव दिनकरराव पाटील आहेत.
कोल्हापूर शहर उत्तर विधानसभा मतदार संघ समिती अध्यक्षपदी सिद्धी गणेश रांगणेकर तर अशासकीय सदस्य म्हणून
अशासकीय सदस्य म्हणून सत्यजित शिवाजीराव कदम व आदिल बाबू फरास तर शाहूवाडी-पन्हाळा विधानसभा मतदार संघ समिती अध्यक्षपदी आमदार विनय कोरे, अशासकीय सदस्य निवास शामराव ढोले व ओंकार महादेव चौगुले आहेत.
हातकणंगले विधानसभा मतदार संघ समिती अध्यक्षपदी अविनाश सहदेव बनगे अशासकीय सदस्य म्हणून अशोकराव कोंडीराम माने व हर्षवर्धन वसंतराव चव्हाण आहेत. इचलकरंजी शहर विधानसभा मतदार संघ समिती अध्यक्ष आमदार प्रकाश कल्लापाण्णा आवाडे आहेत. अशासकीय सदस्य विठ्ठल पुंडलिक चोपडे व मोहन पांडूरंग मालवणकर आहेत.
शिरोळ विधानसभा मतदार संघ समिती अध्यक्षपदी आमदार राजेंद्र पाटील यड्रावकर, अशासकीय सदस्य अमरसिंह शिवाजीराव माने -पाटील व राजवर्धन विठ्ठलराव नाईक - निंबाळकर या प्रमाणे समितीची रचना आहे.
विधानसभा मतदार संघ समिती मधे विधानसभा मतदार संघातील तहसिलदार, गट विकास अधिकारी, मुख्यधिकारी नगरपरिषद/नगरपंचायत हे सदस्य म्हणून यांची नियुक्त करण्यात आली आहे. तसेच विधानसभा मतदारसंघ इचलकरंजी विधानसभा मतदार संघ, कोल्हापूर शहर उत्तर विधानसभा मतदार संघ व कोल्हापूर दक्षिण विधानसभा मतदार संघ या मतदार संघात सदस्य म्हणून अतिरिक्त आयुक्त कोल्हापूर महानगरपालिका, उपआयुक्त कोल्हापूर महानगरपालिका व उपआयुक्त इचलकरंजी महानगरपालिका सदस्य म्हणून नियुक्त करण्यात आली आहेत. तसेच बाल विकास प्रकल्प अधिकारी यांची सदस्य सचिव म्हणून नियुक्ती करण्यात आली आहे.
