महाराष्ट्र न्यूज वन प्रतिनिधी, कोल्हापूर : शारदीय नवरात्रोत्सवाच्या सप्तमीनिमित्त गुरुवारी,करवीर निवासिनी अंबाबाईची दुर्गादेवीच्या रुपात पूजा बांधली आहे. वाघावर विराजमान दुर्गेच्या रूपात पूजा सजली आहे.
वाघावर स्वार झालेले दुर्गेचे हे अष्टभुजा रूप उत्तर भारतात विशेष प्रसिद्ध आहे. वरद कमळ तलवार चक्र शंख गदा धनुष्य आणि त्रिशूल धारण करणारी अशी ही जगदंबा दुर्गमासुराचा संहार करण्यासाठी प्रगट झाली अशी ख्याती आहे. करवीर निवासिनी अष्टभुजा रूपामध्ये सजली आहे.दुर्गा म्हणजे कठीणातल्या कठीण संकटाचेही निवारण करणारी देवता होय. ही पूजाविद्याधर मुनिश्वर, अरुण मुनिश्वर, सोहम मुनिश्वर व सुकृत मुनिश्वर यानी बांधली. देवीचे दर्शन घेण्यासाठी मंदिरात सकाळपासूनच भाविकांच्या रांगा लागल्या होत्या.