महाराष्ट्र न्यूज वन प्रतिनिधी, कोल्हापूर -: ‘व्हिनस कॉर्नर मित्र मंडळातील कार्यकर्त्यांमध्ये मोठी एकी आहे. हे मंडळ कधीही फुटणार नाही याची मला खात्री आहे. मी असेन किंवा खासदार धनंजय महाडिक असोत…आम्ही माणसं घडविणारी माणसं आहोत. मंडळे तोडायची नाही  तर मंडळे जोडायची, या भावनेने काम करणारा मी कार्यकर्ता आहे.’असे उद्गार आमदार राजेश क्षीरसागर यांनी काढले. येथील व्हिनस कॉर्नर मित्र मंडळातर्फे आयोजित गणेशोत्सव देखावा उद्घाटन कार्यक्रम शुक्रवारी झाला. याप्रसंगी आयोजित कार्यक्रमात आमदार क्षीरसागर बोलत होते. खासदार धनंजय महाडिक, मंडळाचे अध्यक्ष शशिकांत बीडकर व अन्य पदाधिकारी, कार्यकर्त्यांच्या उपस्थितीमध्ये हा कार्यक्रम झाला. आमदार क्षीरसागर म्हणाले, ‘व्हिनस कॉर्नर मित्र मंडळाचे यंदाचे पन्नासावे वर्ष आहे. मंडळातील कार्यकर्त्यांमध्ये मोठी एकी आहे. हे मंडळ कधीही फुटणार नाही. मंडळाचे अध्यक्ष शशिकांत बीडकर यांच्याकडे मी प्रामाणिक कार्यकर्ता म्हणून मी, त्यांच्याकडे पाहतो. नियोजनबद्ध काम करणारा हा कार्यकर्ता आहे. माणूस म्हटला की मतभेद असू शकतात. पण सारे जण एकत्र काम करत आहेत.‘