महाराष्ट्र न्यूज वन प्रतिनिधी, कोल्हापूर -: दिवाळी हा आनंद, उत्साह, प्रेम आणि बंधुभावाचा सण. समाजातील सर्व घटकांना सोबत घेऊन सण साजरा करण्याच्या भावनेतून पालकमंत्री प्रकाश आबिटकर यांनी बेडीव पैकी धनगरवाडा येथील धनगर समाज बांधवांसमवेत दिवाळीचा सण उत्साहात साजरा केला.
 मंत्री आबिटकर यांनी धनगर बांधवांशी संवाद साधत त्यांना दिवाळीच्या मनःपूर्वक शुभेच्छा दिल्या. सण-उत्सवाच्या माध्यमातून समाजातील सर्व घटकांमध्ये आपुलकी, एकोपा आणि सामाजिक सलोखा अधिक दृढ होतो, असे त्यांनी सांगितले. धनगर समाज बांधवांसोबत दिवाळी साजरी करताना त्यांनी आनंद व्यक्त केला. त्यांच्या दैनंदिन अडचणी, आरोग्यविषयक सुविधा, तसेच वाड्या-वस्त्यांवरील प्रश्न त्यांनी जाणून घेतले. डोंगराळ व दुर्गम भागात राहणाऱ्या बांधवांपर्यंत आरोग्य सेवा प्रभावीपणे पोहोचवण्यासाठी सरकार प्रयत्नशील असल्याचे त्यांनी सांगितले.

याप्रसंगी गोकुळचे माजी संचालक नंदकुमार ढेंगे, राहुरी कृषि विद्यापिठाचे सदस्य दत्तात्रय उगले, कल्याणराव निकम, सभापती विक्रमसिंह पाटील, युवासेना तालुकाप्रमुख विद्याधर परीट, पंचायत समिती सदस्य सुनिल किरोळकर, प्रशांत देसाई, युवराज फगरे, मुरलीधर बुवा, राजाराम भराडे, गणपतराव शेटके, मारुती पाटील, रघुनाथ बोटे, मारुती भराडे, आनंदराव शेवाळे, रावसाहेब पाटील, चंद्रकांत गुरव, आनंदा मिटके, राजेंद्र भोसले, सागर मिसाळ उपस्थित होते.