महाराष्ट्र न्यूज वन प्रतिनिधी, कोल्हापूर : कोल्हापूर येथील केआयटी अभियांत्रिकी (स्वायत्त) महाविद्यालयाच्या अत्यंत महत्वाच्या पाच वर्षाचा कार्यकाळ असणाऱ्या नूतन ‘महाविद्यालय विकास समिती’ची (सीडीसी - कॉलेज डेव्हलपमेंट कमिटी) बैठक नुकतीच झाली. नूतन सदस्य म्हणून उद्योजक मोहन घाटगे, चंद्रशेखर डोल्ली,शिक्षण तज्ञ म्हणून विश्वेश्वरय्या टेक्निकल युनिव्हर्सिटी,बेळगावी चे रजिस्ट्रार डॉ.रंगास्वामी यांची तर शिक्षक प्रतिनिधी म्हणून डॉ. डी.जी.साठे, डॉ. समीर नागटिळक ,प्रा.शितल वरूर ,डॉ.सई ठाकूर ,प्रा अमोल सावंत तर शिक्षकेतर प्रतिनिधी म्हणून विश्वास पाटील यांची निवड करण्यात आली.
या बैठकीस मागील कार्यकाळातील सदस्य व्ही. एम. देशपांडे, डॉ बी.एम.हिर्डेकर, शिक्षक प्रतिनिधी डॉ. वाय. एम. पाटील, प्रा संजय लिपारे, डॉ. दिपाली जाधव ,शिक्षकेतर प्रतिनिधी विजय पाटोळे उपस्थित होते. केआयटीच्या ४१ वर्षांच्या दर्जेदार शिक्षणाच्या प्रवासात मान्यवरांचे मार्गदर्शन लाभलेले आहे असेच मार्गदर्शन,सहकार्य आगामी काळातही सर्व नवीन सदस्यांकडून मिळेल अशी अपेक्षा संस्थेचे अध्यक्ष साजिद हुदली यांनी व्यक्त केली. संस्थेचे संचालक डॉ.मोहन वनरोट्टी यांनी प्रास्ताविक केले. बैठकीसाठी संस्थेचे उपाध्यक्ष सचिन मेनन, सचिव दीपक चौगुले उपस्थित होते.