महाराष्ट्र न्यूज वन प्रतिनिधी , कोल्हापूर : कोल्हापूर जिल्हा परिषद अध्यक्षांचे स्वीय सहायक व जिल्हा परिषदेचे कर्मचारी अजित मगदूम यांच्यावर कारवाई करावी अशी मागणी ताराराणी महिला आघाडीने प्रशासनाकडे केली आहे.  ताराराणी महिला आघाडीच्या श्रद्धा महागावकर यांच्या नेतृत्वाखालील शिष्टमंडळाने सामान्य प्रशासन विभागाचे अधीक्षक सचिन कांबळे यांना निवेदन दिले. महागावकर यांनी म्ह्टले आहे, ‘ मगदूम हे बारमध्ये  आक्षेपार्ह नृतय करतानाचा व्हिडिओ व्हायरल झाला आहे. यामुळे जिल्हा परिषदेची प्रतिमा मलीन झाली आहे. जिल्हा परिषदेत एका जबाबदार पदावर काम करणाऱ्या कर्मचाऱ्याचे वर्तन हे सरकारी सेवा नियमावलीच्या पूर्णपणे विरुद्ध आहे. या साऱ्या प्रकरणाची चौकशी करुन निलंबित करावे.’