महाराष्ट्र न्यूज वन प्रतिनिधी, कोल्हापूर : कोल्हापूर दक्षिण विधानसभा मतदारसंघाचे नूत्न् आमदार अमल महाडिक यांच्या अभिनंदनासाठी नागाळा पार्क येथील भारती जनता पक्ष कार्यालयात मंगळवारी सकाळी गर्दी उसळली.  आ विविध क्षेत्रांतील मान्यवर,  तसंच भाजपचे कार्यकर्ते, पदाधिकार्‍यांकडून अभिनंदनाचा वर्षाव झाला. दरम्यान आमदार महाडिक यांच्या  विजयासाठी अनवानी फिरण्याची प्रतिज्ञा केलेल्या चौघा कार्यकर्त्यांचाही  सत्कार करण्यात आला. 

‘अमल महाडिक हे विजयी झाल्यावरच पादत्राणे घालू, ” अशी प्रतिज्ञा या मतदारसंघातील साईनाथ मांडरेकर, सागर वाडकर, हर्षद कुसाळे, बिरू डावरे या चौघा कार्यकर्त्यांनी केली होती. आज या कार्यकर्त्यांचा आमदार अमल महाडिक यांनी पोशाख देऊन सत्कार केला. तसेच त्यांना पादत्राणंही दिली. कार्यकर्त्यांचं आपल्यावरील हे प्रेम पाहून आमदार महाडिक आणि गोकुळच्या संचालिका शौमिका महाडिक भारावून गेल्या.

 आमदार महाडिक यांनी  नागाळा पार्कातील पक्ष कार्यालयाला भेट दिली. तत्पूर्वी कोल्हापूर शहरातील छत्रपती शिवाजी महाराज, राजर्षी छत्रपती शाहू महाराज, डॉ. बाबासाहेब आंबेडकर यांच्या पुतळ्याला पुष्पहार अर्पण् करत अभिवादन केले.  पक्ष कार्यालयात सकाळी ९ ते दुपारी दोन या वेळेत त्यांनी कार्यकर्ते, पदाधिकारी त नागरिकांकडून शुभेच्छा  स्विकारल्या.

ग्रामीण जिल्हाध्यक्ष नाथाजी पाटील, महानगर जिल्हाध्यक्ष विजय जाधव, माजी नगरसेवक सतीश घोरपडे, विजय सूर्यवंशी, आशिष ढवळे, राजसिंह शेळके, चंद्रकांत घाटगे, अजित ठाणेकर,  विजय खाडे, प्रदीप उलपे, अमोल माने, किरण नकाते, माधुरी नकाते, महिला आघाडीच्या रुपाराणी निकम, संगीता खाडे, गायत्री राऊत, शिला पाटील, राजाराम कारखान्याचे संचालक तानाजी पाटील, संजय वास्कर,  जिल्हा परिषदेचे माजी सदस्य महेश चौगले, मारुती माने, वैभव माने, भाजपा ओबीसी सेलचे संतोष माळी, अशोक देसाई, संतोष लाड, सतीश धरपणकर, महादेव खानविलकर, पाचगाव येथील महेश पाटील, सागर दळवी, रामेश्वर पतकी, प्रमोद पवार, अभय तेंडुलकर  यांच्यासह असंख्य कार्यकर्ते व नागरिकांनी शुभेच्छा दिल्या.