महाराष्ट्र न्यूज वन प्रतिनिधी, कोल्हापूर : माजी मंत्री, संत ज्ञानेश्वर शिक्षण संस्थेचे संस्थापक अध्यक्ष अण्णासाहेब डांगे यांच्या जीवनप्रवासातील ९१ व्या वर्षाचा प्रारंभ सोहळा रविवारी, (९ ऑगस्ट २०२६) आयोजित केला आहे. मुख्यमंत्री देवेंद्र फडणवीस यांच्या हस्ते अण्णासाहेब डांगे यांच्या जीवनकार्यावर आधारित ‘आम्रवृक्ष’ या आत्मचरित्राचा प्रकाशन, आष्टा शैक्षणिक संकुलातील नूतन इमारतींचा उद्घाटन सोहळा होणार आहे. मा. अण्ण्णासाहेब डांगे शैक्षणिक संकुल आष्टा येथे सकाळी १०.३० वाजता हा कार्यक्रम होणार आहे. उच्च व तंत्रशिक्षणमंत्री चंद्रकांत पाटील यांच्या अध्यक्षतेखाली हा कार्यक्रम होत आहे.विधान परिषदेचे सभापती प्रा. राम शिंदे, विधानसभा अध्यक्ष राहुल नार्वेकर, सार्वजनिक बांधकाममंत्री शिवेंद्रसिंहराजे भोसले, मंत्री अतुल सावे, मंत्री जयकुमार गोरे आदींच्या प्रमुख उपस्थितीमध्ये हा कार्यक्रम होणार आहे.यावेळी खासदार, आमदार, स्थानिक स्वराज्य संस्थेतील लोकप्रतिनिधी यांची उपस्थिती असणार आहे.संत ज्ञानेश्वर शिक्षण संस्थेचे सचिव अॅड. चिमण डांगे, सहसचिव विश्वनाथ डांगे यांच्या मार्गदर्शनाखाली या कार्यक्रमाचे आयोजन केले आहे.