महाराष्ट्र न्यूज वन प्रतिनिधी कोल्हापूर : पकरवीर तालुका शिक्षक शिक्षकेतर कर्मचारी पतसंस्थेच्या अध्यक्षपदी बाजीराव पांडूरंग पाटील व उपाध्यक्षपदी वर्षा राजेंद्र सणगर यांची निवड झाली.
सहकार अधिकारी सौ.डी.एस. चौगले यांचे अध्यक्षतेखाली संस्थेच्या कार्यालयात झालेल्या सभेत ही निवड करण्यात आली.
शिक्षक नेते राजाराम वरुटे यांच्या मार्गदर्शनाखाली या निवडी झाल्या.
यावेळी संचालक प्रशांत पोतदार, संभाजी पाटील ,मारुती दिंडे, दत्तात्रय एकशिंगे ,संतोष कांदळकर ,प्रकाश निकम, विजय मालाधारी, धोंडीराम पाटील ,अनिल कंगणे,नुरजहा मुलाणी, नीता ठाणेकर, ज्योत्स्ना महात्मे, सचिव अमोल लगारे उपस्थित होते.
अध्यक्ष पाटील म्हणाले,शिक्षक नेते राजाराम वरुटे यांच्या मार्गदर्शनाखाली संस्थेचा कारभार पारदर्शक व सभासद हिताचा करू. सभासदांना अधिक सोयी सुविधा देण्याचा प्रयत्न करू. यावेळी सुकाणू समितीचे सदस्य उपस्थित होते. निवडीनंतर अध्यक्ष, उपाध्यक्ष यांचा सत्कार करण्यात आला.