अंजू तुरंबेकर देणार भूतानच्या महिला फुटबॉलपटूना प्रशिक्षण
schedule10 Apr 26 person by visibility 144 categoryक्रीडा
महाराष्ट्र न्यूज वन प्रतिनिधी, कोल्हापूर : भुतान फुटबॉल फेडरेशनच्या राष्ट्रीय महिला फुटबॉल अकॅडमीच्या तांत्रिक संचालकपदी तसेच सतरा वर्षाखालील महिला राष्ट्रीय संघाच्या मुख्य प्रशिक्षकपदी फुटबॉल प्रशिक्षिका अंजू तुरंबेकर यांची नियुक्ती करण्यात आली आहे. या नियुक्तीमुळे अंजू तुरंबेकर या आंतरराष्ट्रीय स्तरावर अशा प्रकारची जबाबदारी स्वीकारणाऱ्या पहिल्या भारतीय महिला ठरल्या आहेत. राष्ट्रीय व आंतरराष्ट्रीय व्यावसायिक कारकीर्दी व्यतिरिक्त तुरंबेकर यांनी भारतामध्ये एटी फाउंडेशन च्या माध्यमातून ग्रामीण भागातील मुली आणि युवकांना फुटबॉल, शिक्षण आणि जीवन कौशल्यांच्या माध्यमातून सक्षम केले आहे. त्यांनी ऑल इंडिया फुटबॉल फेडरेशन, एशियन फुटबॉल कॉन्फेडरेशन, फिफा, डेम्पो स्पोर्ट्स क्लब, फुटबॉल एसोसिएशन ऑफ सिंगापूर अश्या नामांकित फुटबॉल संस्थांसोबत काम केले आहे
