+91 8329558262, +91 8552827575 | maharashtranewsone@gmail.com |
Breaking News
adjustएनआयटीचे विद्यार्थी तंत्रशिक्षण बोर्डाच्या परीक्षेत अव्वल adjustजरग विद्यामंदिरमध्ये नानासो जरग यांना श्रद्धांजली adjustकोल्हापुरात ट्रक महोत्सव उत्साहात ! चेतन मोटर्स - टाटा मोटर्सचा पुढाकार !! adjustबालिश नेत्याची मुलं विशाळगड आंदोलनात का नव्हती ? सतेज पाटलांचा खासदार महाडिकांना टोला adjustसदभावना रॅलीतून प्रकटला सामाजिक एकोप्यावरील विश्वास adjustशहरातील पाणी पुरवठासंबंधी भाजप नगरसेवकांची अधिकाऱ्यांसोबत मॅरेथॉन बैठक adjustमहायुती, महाविकासला पर्याय परिवर्तन आघाडी ! पुण्यात विविध संघटना नेत्यांची बैठक !! adjustव्यवस्थापन परिषदेच्या बैठकीवर आघाडीचा बहिष्कार ! कुलगुरुंच्यावर मनमानी कारभाराचा आरोप !! adjust४२ हजार वीज कंत्राटी कामगारांना न्याय कधी मिळणार ? राज्यभर आमरण उपोषणाचा इशारा adjustप्रशासकीय कामकाजाला हवा माणुसकीचा चेहरा !
1000621806
1000615695
1000597139
1000567748
1000562876
1000551727
schedule04 Jul 24 person by visibility 461 categoryगुन्हे
महाराष्ट्र न्यूज वन प्रतिनिधी, कोल्हापूर: इचलकरंजी शहापूर पोलीस ठाण्याच्या हद्दीत सरोजनी नायडू विद्यालयाच्या परिसरात सुशांत दीपक कांबळे ( वय १८, रा .आसरानगर इचलकरंजी) याचा धारदार शस्त्राने खून केल्याची घटना गुरुवारी सकाळी उघडकीस आली. घोडागाडी शर्यतीच्या कारणावरून मित्रानेच मित्राचा खून केल्याचा प्राथमिक अंदाज पोलिसांनी वर्तवला आहे.
 शहापूर पोलीस आणि स्थानिक गुन्हे अन्वेषण विभागाने जलद गतीने हालचाल करत तिघा संशयीतांना कोल्हापुरातील राजाराम कॉलेजच्या मैदानावर अटक केली. अतिश उर्फ टक्या दत्तात्रय नेटके (वय १९ रा.गणेश नगर इचलकरंजी), प्रदीप उर्फ बाळू पारस यादव (२० रा जे.के. नगर शहापूर ), अर्जुन सरदार चव्हाण (२१ रा. गणेश नगर इचलकरंजी) अशी त्यांची नावे आहेत. स्थानिक गुन्हे अन्वेषण विभागाच्या पोलिसांनी तपासाची माहिती दिली.
 गुरुवारी सकाळी साडेसात वाजता नायडू विद्यालयच्या मैदानावर एका तरुणाचा मृतदेह असल्याची माहिती पोलिसांना मिळाली. शहापूर पोलीस ठाण्याचे अधिकारी व पोलीस घटनास्थळी आले. त्या ठिकाणी सुशांत दीपक कांबळे यांच्या तोंड पाठ व मांडीवर धारदार शस्त्राने वार करून त्याचा खून केल्याची माहिती पुढे आली. वरिष्ठ पोलीस अधिकाऱ्याने या गुन्ह्याचा तपास करण्याचे आदेश पोलिसांना दिले. स्थानिक गुन्हे अन्वेषण विभागाचे पोलीस निरीक्षक रवींद्र कळमकर, पोलीस उपनिरीक्षक संदीप जाधव, शेष मोरे तर शहापूर पोलीस ठाण्याचे निरीक्षक सचिन सूर्यवंशी, उपनिरीक्षक श्रीकृष्ण दरेकर यांच्या नेतृत्वाखालील संशयीतांना शोधण्यासाठी दोन पथके तयार करण्यात आली. त्यानंतर पोलिसांनी संशितांचा शोध घेण्यास सुरुवात केली. 
कोल्हापुरातील राजाराम कॉलेज इमारतीच्या मागील मैदानावर संशयित बसले आहेत अशी माहिती पोलिसांना मिळाली. पोलिसांनी मैदानावर छापा टाकून अतिश नेटके, अर्जुन चव्हाण, प्रदीप यादव यांना ताब्यात घेतले .तिघांनीही खुनाची कबुली दिली. सुशांत कांबळे आणि संशयित आशिष नेटके हे मित्र आहेत. त्यांच्यामध्ये घोडागाडी शर्यतीची आणि शर्यतीतील घोडा गाडी परत मागण्याच्या कारणावरून वाद झाला होता. काल 3 जुलै रोजी सुशांत कांबळे नायडू विद्यालयाजवळ उभा होता. त्या ठिकाणी अतिश नेटके, अर्जुन चव्हाण आणि बाळू यादव आले. 
तिघांनी त्याच्यावर धारदार शस्त्राने वार करत खून केल्याची कबुली दिली आहे. अतिरिक्त पोलीस अधीक्षक निलेश खाटमोडे पाटील, पोलीस उपाधीक्षक समरजीत सिंह साळवे ,स्थानिक गुन्हे अन्वेषण विभागाचे पोलीस निरीक्षक रवींद्र कळमक,र शहापूर पोलीस ठाण्याचे निरीक्षक सचिन सूर्यवंशी पोलीस उपनिरीक्षक श्रीकृष्ण दरेकर, संदीप जाधव शेष मोरे, सहाय्यक फौजदार खंडेराव कोळी, प्रकाश पाटील, प्रशांत कांबळे ,सागर चौगुले, संजय कुंभार, महेश खोत ,चालक राजेंद्र परांडेकर, शहापूर पोलीस ठाण्याचे साजिद कुरणे, प्रमोद मोहिते, अर्जुन कराल यांनी तपासात भाग घेतला होता.