महाराष्ट्र न्यूज वन प्रतिनिधी : कोल्हापूर जिल्ह्यातील आदमापूर  येथील बाळूमामा देवालय ट्रस्टमध्ये ६१ कोटी रुपयांचा कथित आर्थिक गैरव्यवहार आणि घोटाळ्याचा विषय गेले काही दिवस गाजत आहे या घोटाळ्यातील दोषीवर कारवाई झाली पाहिजे ही मागणी वाढत आहे. दरम्यान कथित आर्थिक गैरव्यवहार आणि घोटाळाप्रकरणी ट्रस्टच्या तत्कालीन कार्याध्यक्ष रागिनी खडके आणि सचिव रावसाहेब कोणकेरी यांच्यावर गुन्हा दाखल करण्यात आला. भुदरगड पोलीस ठाण्यात गुन्हा झाला. या आर्थिक गैरव्यवहार व घोटाळ्याची व्याप्ती पाहता त्याचा तपास स्थानिक गुन्हे अन्वेषणकडे वर्ग करण्यात आला आहे.