महाराष्ट्र न्यूज 1, प्रतिनिधी,कोल्हापूर : बळीराजा महोत्सव समिती, श्री शाहू सत्यशोधक समाज, सत्यशोधक प्रबोधन महासभा आणि पुरोगामी कार्यकर्ते यांच्या संयुक्त विद्यमाने १६ नोव्हेंबर रोजी बळीराजा महोत्सव होत आहे. याप्रसंगी विविध पुरस्कारांनी मान्यवरांना सन्मानित करण्यात येणार आहे. शेतकरी कामगार पक्षाच्या कार्यालयात सायंकाळी पाच वाजता कार्यक्रम होणार असल्याची माहिती प्राचार्य डॉ. टी. एस. पाटील, बाबूराव कदम यांनी पत्रकाद्वारे दिली आहे. 

प्रबोधन आणि परिवर्तनाचे काम करणाऱ्या व्यक्तींना ‘बळीराजा सन्मान पुरस्कार’ देऊन गौरविण्यात येणार आहे.यामध्ये अनिल चव्हाण, नामदेव कांबळे, स्वाती कृष्णात आणि कृष्णात स्वाती, शफिक देसाई, दमयंती कडोलकर यांना पुरस्कार जाहीर झाला आहे. प्राचार्य विश्वास सायनाकर यांच्या हस्ते पुरस्कार वितरण सोहळा होईल.शाहू सत्यशोधक समाजाचे अध्यक्ष बाबूराव कदम अध्यक्षस्थानी असतील अशी माहिती संयोजकांनी दिली आहे. पत्रक व्यंकाप्पा भोसले,दिलीपकुमार जाधव, रवी जाधव, संभाजीराजे जगदाळे यांच्या नावानिशी प्रसिद्धीस दिले आहे.

………………………………….