महाराष्ट्र न्यूज वन प्रतिनिधी : कोल्हापूर जिल्हा परिषद कर्मचारी सहकारी सोसायटी हिरक महोत्सवी वर्षात पदार्पण करत आहे. सोसायटीच्या हिरकमहोत्सवानिमित्त सभासदांच्या पाल्यासाठी स्पर्धा परीक्षेच्या तयारीकरिता सुसज्ज अभ्यासिका व ग्रंथालय सुविधा उपलब्ध करण्यात आली आहे. या दोन्हीचा उद्घाटन समारंभ मंगळवारी, आठ सप्टेंबर २०२६ रोजी आयोजित केला आहे. अशी माहिती चेअरमन संजय शिंदे व  व्हाइस चेअरमन जयकुमार रेळेकर  यांनी दिली. दुपारी १२.३० वाजता सोसायटीच्या मुख्य कार्यालयात कार्यक्रम होणार आहे. सोसायटीतर्फे संस्थेच्या सभासदांच्या मुला, मुलींना स्पर्धा परीक्षेच्या अभ्यासासाठी पुस्तके दिली जातात. त्याचा लाभ घेत सभासदांची ५० पेक्षा जास्त मुले सरकारी सेवेत वर्ग एक व वर्ग दोन यापदावर कार्यरत आहेत. आता हिरक महोत्सवी वर्षानिमित्त सभासदांच्या मुलांसाठी अभ्यासिका तयार केली आहे. अभ्यासिकेत स्पर्धा परीक्षेसंदर्भातील पुस्तके असणार आहेत.सभासदाच्या मुलांनी लाभ घ्यावा असे आवाहन सोसायटीने केले आहे.