महाराष्ट्र न्यूज वन प्रतिनिधी, कोल्हापूर :  ‘निवृत्त शासकीय वैद्यकीय अधिकारी डॉ. अरुण मोराळे यांच्या स्मृतीप्रित्यर्थ दिला जाणारा समाजभूषण पुरस्कार यंदा मिलिंद यादव यांना दिला जाणार आहे.’अशी माहिती डॉ. सुनील पाटील व डॉ. ऋषिकेश जाधव यांनी दिली. 

डॉ. मोराळे यांचे दोन वर्षापूर्वी अपघाती निधन झाले. त्यांच्या स्मृती चिरंतन जपण्यासाठी सामाजिक क्षेत्रात काम करणाऱ्या व्यक्तीला गेल्या वर्षीपासून हा पुरस्कार दिला जातो. कोल्हापुरातील सामाजिक शैक्षणिक आणि वैद्यकीय क्षेत्रात काम करणाऱ्यांनी या कार्यक्रमास उपस्थित राहावे असे आवाहनही पाटील व जाधव यांनी केले आहे.