महाराष्ट्र न्यूज वन प्रतिनिधी  : मुंबई –गोवा महामार्गावर रत्नागिरी नजीक बावनदी येथे सीएनजी वाहून नेणारा टँकर आणि मिनी बसचा अपघात झाला. यामध्ये मिनी बसमधील तीसहून अधिक शिक्षक जखमी झाल्याचे वृत्त आहे. जखमी शिक्षकांना रत्नागिरीतील जिल्हा रुग्णालयात उपचारासाठी हलविले आहे. हे सगळे शिक्षक चिपळूणहून रत्नागिरीकडे प्रशिक्षणासाठी निघाले होते. दरम्यान अपघात झाल्यानंतर टँकरमधील सीएनजी हवेत पसरला. गॅस गळतीमुळे दुर्घटना घडली. यामध्ये एका घराला आग लागली. जनावरे होरपळली आहेत. शेतीचेही नुकसान झाले आहे. दरम्यान टँकरची मिनी बसला जोरदार धडक बसली. यामुळे मिनी बस चालकाचे बसवरील नियंत्रण सुटले. मिनी बस दरीत कोसळली. यामध्ये तीस शिक्षक जखमी झाले. अपघाताचे वृत्त समजताच पोलिस कर्मचारी, अग्निशमन दलाचे जवान घटनास्थळी दाखल झाले. काही वेळ या मार्गावरील वाहतूक थांबवली होती.