महाराष्ट्र न्यूज वन प्रतिनिधी, कोल्हापूर :  कोल्हापूर महानगरपालिकेच्या कर आकारणी व वसुली विभागाने २०२४-२५ या   आर्थिक वर्षातील घरफाळा बिलाच्या रक्कमेतून सहा टक्के सवलत योजना जाहीर केली आहे. या सवलत योजनेचे काहीच दिवस शिल्लक राहिलेने महापालिकेतर्फे सुट्टी दिवशीही नागरी सुविधा केंद्रे सुरु ठेवण्यात येणार आहे. 

ज्या मिळकतधारकांनी अद्यापही आपला घरफाळा भरणा केलेल नाही त्यांनी ३० जून अखेर तो भरुन  सवलत योजनेचा लाभ घ्यावा. यासाठी महापालिकेची सुविधा केंद्रे शनिवारी, २२ जून रोजी सकाळी  ९ ते  दुपारी ३.३० पर्यंत, सोमवार ते शुक्रवार २४ ते २८  जून या कालावधीत सकाळी नऊ ते सायंकाळीं सहापर्यंत व शनिवारी, २९ जून व  रविवारी, ३० जून २०२४  रोजी सकाळी ९ ते रात्री वाजेपर्यंतय सुरु ठेवण्यात येणार आहे.

            आतापर्यंत शहरातील आज अखेर ४०,९०८ इतक्या मिळकतधारकांनी या सवलत योजनेचा लाभ घेऊन रु१६ कोटी ७२ लाख इतकी रक्कम जमा केली आहे. ज्या मिळकधारकांना अद्यापही पोस्टामार्फत बिल मिळाले नसलेस त्यांनी जवळच्या विभागीय कार्यालयात जाऊन दुबार बिलाची प्रत प्राप्त करुन घेऊ शकतात तसेच, कोणत्याही नागरी सुविधा केंद्रात जावून आपला करदाता क्रमांक सांगून चालू वर्षाची रक्कम भरुन सहा टक्के सवलत योजनेचा लाभ घेता येईल. तसेच, गुगल पे, फोन पे, पेटीएम व महापालिका वेबसाईटवरुन ऑनलाईन पध्दतीने कराचा भरणा करता येईल. असे आवाहन महापालिकेच्यावतीने करण्यात आले आहे.